Espainia Nazioen Ligako Lauko Finalerako sailkatu da, Herbehereak kanporatuta
Espainiako gizonezkoen futbol selekzioa Nazioen Ligako Lauko Finalerako sailkatu da final-laurdenetan Herbehereetakoa kanporatuta. Espainiak Frantzia izango du aurkari finalerdietan. Beste finalerdian Alemaniak eta Portugalek elkarren indarrak neurtuko dituzte.
Espainiako eta Herbehereetako selekzioen arteko itzulerako partida Mestallan jokatu da. Joaneko partida binako berdinketarekin amaitu zen (2-2); beraz, kanporaketa irekita zegoen.
Oyarzabalek penaltiz sartu du norgehiagokako lehen gola (1-0), 8. minutuan. Bigarren zatian, 54. minutuan Depayk banakoa (1-1) jarri du markagailuan, penaltiz. Handik gutxira, 67. minutuan, Oyarzabalek Espainiako selekzioa aurretik jarri du berriro, 2-1ekoa sartuta, baina amaierarako 11 minutu falta zirenean, Maalsenek neurketa berdindu du (2-2). Partidako 90 minutuak berdinketarekin bukatu dira (2-2), eta neurketak luzapena behar izan du.
Luzapenean, neurketako 103. minutuan Lamine Yamalek 3-2koa egin du Espainiarentzat, baina 109. minutuan Xavi Simonsek partida berdindu du (3-3), penaltiz Unai Simon gaindituta. Luzapena berdinduta amaitu da (3-3), eta irabazlea penaltien txandan erabaki da.
Hamaika metroetatik egindako jaurtiketetan Van Dijkek (0-1), Merinok (1-1), Koopmeinersek (1-2), Ferran Torresek (2-2), Simonsek (2-3), Aleix Garciak (3-3), Taylorrek (3-4) eta Baenak (4-4) golak sartu dituzte; Langek (Herbehereak) eta Lamine Yamalek (Espainia), ordea, euren selekzioen hirugarren jaurtiketetan huts egin dute. Irabazlea seigarren jaurtiketetan erabaki da: Unai Simonek (Espainia) gelditu egin du Malenen (Herbehereak) jaurtiketa, eta Pedrik (Espainia) garaipena eman dio Espainiako selekzioari, penaltien txandako azken jaurtiketan Verbruggen atezaina gaindituta.
Fitxa teknikoa:
3 – Espainia: Unai Simon, Mingueza (Pedro Porro, 94. min), Le Normand, Huijsen, Cucurella, Zubimendi (Aleix Garcia, 106. min), Fabian (Merino, 84. min), Dani Olmo, (Pedri, 84. min) Lamine Yamal, Nico Williams (Baena, 117. min) eta Oyarzabal (Ferran, 69. min).
3 – Herbehereak: Verbruggen; Geertruida (Malen, 78. min), Van Hecke, Van Dijk, Maatsen; Reijnders (Koopmeiners, 110. min), Kluivert (Simons, 78. min), F. de Jong; (Taylor, 106. min) Frimpong, Depay (Brobbey, 101. min) eta Gakpo (Lang, 78. min).
Golak: 1-0, 8. min: Oyarzabal (p). 1-1, 54. min: Depay (p). 2-1, 67. min: Oyarzabal. 2-2, 79. min: Maatsen. 3-2, 103. min: Lamine Yamal. 3-3, 109. min: Simons (p).
Penalti jaurtiketak: 0-1: Van Dijk, gola. 1-1: Mikel Merino, gola. 1-2: Koopmeiners, gola. 2-2: Ferran, gola. 2-3: Simons, gola. 3-3: Aleix Garcia, gola. 3-3: Lang, langara. 3-3: Lamine Yamal, Verbruggenek gelditu. 3-4: Taylor, gola. 4-4: Baena, gola. 4-4: Malen, Simonek gelditu. 5-4: Pedri, gola.
Epailea: Clement Turpin (Frantzia). Txartel horia atera dio Le Normand (53. min) Espainiako selekzioko jokalariari, baita Simons (108. min) Herbehereetako selekzioko futbolariari ere.
Zure interesekoa izan daiteke
Eibarrek Lucas Nuñez fitxatu duela 26/27 denboralirako iragarri du
20 urteko erdilaria Valentziatik dator utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.