Espainiak Egiptoren aurka galdu du eta multzoko bigarren postuan sailkatu da final-laurdenetara (1-2)
Espainiako futbol selekzioak galdu egin du Egiptoren aurka (1-2), 40. eta 62. minutuetan Ibrahim Adelek sartutako bi golen ondorioz. Samu Omorodionek 90. minutuan egindako golak ez du partidari buelta emateko balio izan. Hala ere, Espainia C multzoko bigarren postuan sailkatu da final-laurdenetara. Lyonen jokatuko ditu final-laurdenak, D multzoko lehen sailkatuaren aurka.
Jon Pacheco, Beñat Turrientes eta Aimar Oroz hasierako hamaikakoan sartu dira. Pachecok partida osoa jokatu du eta bere akats batek bigarren gola eman dio Egiptori.
Egipto erasokorrago sartu da partidan, area barrutik egindako jaurtiketa baten bidez, Turrientesek estali duena. Ibrahim Adelek markagailua ireki du 40. minutuan Egiptorentzat (0-1).
Atsedenalditik bueltan, hasierako hamaikakoan errepikatu duen bakarra, Aimar Oroz, aulkira joan da eta Sergio Gomez sartu da zelaira. Espainia erreakzionatzen saiatu da, baina Pachecok huts egin du 62. minutuan.
Erdiko atzelariak gaizki eman du atzera pasea eta Ibrahim Adel bakarrik gelditu da Alejandro Iturberen aurka, bere bigarren gola sartuz (0-2).
Samu Omorodionek 90. minutuan murriztu du aldea, baina ez du markagailua iraultzeko denborarik eman (1-2).
Fitxa teknikoa:
1 - Espainia: Alejandro Iturbe; Marc Pubill (Juanlu Sanchez, 46. min), Cristhian Mosquera, Jon Pacheco, Miguel Gutierrez (Juan Miranda, 69. min); Beñat Turrientes (Pablo Barrios, 63. min), Adrian Bernabe (Fermin Lopez, 63. min); Diego Lopez, Sergio Camello, Aimar Oroz (Sergio Gomez, 46. min); eta Samu Omorodion.
2 - Egipto: Hamza Alaa; Ahmed Eid (Ziad Kamal, 96+. min), Omar Fayed (Mohamed Tarek, 69. min), Hossam Abdelmaguid, Karim El Debes (Mahmoud Saber, 46. min); Mohamed Elneny, Mohamed Shehata (Ahmed Atef, 80. min), Ahmed Koka; Zizo, Ibrahim Adel eta Osama Faisal.
Golak: 0-1: Ibrahim Adel, 40. min. 0-2: Ibrahim Adel, 62. min. 1-2: Samu Omorodion, 90. min.
Epailea: Drew Fischer (Kanada). txartel horia atera dio Eid Ahmed jokalariari.
Dominikar Errepublikak Uzbekistanen aurka berdindu du Jokoei agur esateko (1-1)
Ibai Gomez eta Fernando Amorebieta euskaldunek zuzendutako Dominikar Errepublikako selekzioak bana berdindu du Uzbekistanen aurka multzoen faseko azken partidan. Horrela, bere multzoko hirugarren postuan amaituz, agur esan die Olinpiar Jokoei.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.