Reala 1-0 gailendu zaio Alavesi derbian
Realak izerdi ugari bota behar izan du igande honetan Alavesen aurka irabazteko (1-0). Izan ere, bigarren zatiko 70. minutura arte itxaron behar izan dute etxekoek Martin Zubimendik baloia Pachecoren ate barrura bidal zezan, geldikako jokaldi bat eta gero.
Donostiarrek ondo jokatu dute neurketan zehar, batez ere atsedenaldiaren ostean. Hala ere, lehen zatian, aurkaria nekarazi eta aukera on batzuk ere izan dituzte atsedenaldira abantailarekin joateko, baina Isak eta Merino ez dira fin ibili babazorroen ate zulatzeko garaian.
Bigarren zatian, talde txuri-urdinaren bertsio hobea agertu da, eta hainbat abagune pilatu ditu markagailuan aurreratzeko, Zubimendiren gola iritsi baino askoz lehenago. Azkenerako, aipatu gola 70. minutuan heldu da, erdilari donostiarrak Mikel Oyarzabalek ateratako falta errematatu duenean.
Norgehiagokako azken txanpan Alavesek berdinketa lortzeko merituak egin ditu, baina Alex Remiro ikusgarri batekin egin du topo. Atezain nafarra hesi bat izan da, batez ere Vallejok area barrutik egindako jaurtiketari erantzun bikaina eman dionean.
Horrenbestez, Realak ezin sendoago jarraitzen du Reale Arenan 2022. urtea hasi zenetik, ez baitu golik jaso tarte horretan Liga txapelketan. Ondorioz, Europarako borrokan ari diren taldeekin batera segitzen du. Gasteiztarrak, bestalde, jaitsiera postuetan geratzen dira 22 punturekin.
Fitxa teknikoa:
1 - Real Sociedad: Remiro; Gorosabel (Zaldua, 74. min), Le Normand, Jon Pacheco, Rico; Merino, Illarramendi (Zubimendi, 46. min), Rafinha (Zubeldia, 82. min); Portu, Januzaj (Oyarzabal, 61. min), Isak (Sorloth, 61. min).
0 - Deportivo Alavés: Fernando Pacheco; Tenaglia, Laguardia, Lejeune, Duarte; Pina (Escalante, 61. min), Edgar Méndez (Jason, 73. min), Rioja (Vallejo, 83. min), Moya (De la Fuente, 83. min), Pons (Loum, 73. min); Joselu.
Epailea: Figueroa Vázquez (Andaluziako batzordea). Txartel horiak: Illarramendi (Reala); Laguardia (Alaves).
Golak: 1-0, 71. min: Zubimendi.
Gertaerak: Reale Arenan edukiera mugarik gabe jokatu den lehen neurketa izan da pandemia hasi zenetik, eta 31.573 zale bildu dira bertan, horietatik mila inguru Alaveseko jarraitzaileak izanik.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.