Bartzelona eta Real Madril, Superkopako finalerako txartelaren bila
Bartzelona eta Real Madril nor baino nor ariko dira gaur, urtarrilaren 12an, 2022ko Espainiako Superkopako lehen finalerdian. Neurketa 20:00etan hasiko da eta finalerako txartela egongo da jokoan.
Saudi Arabiak hartuko du Espainiatik kanpo jokatzen den lehen 'klasiko' ofiziala. Real Madril Santander Ligako lidergoan iritsi da txapelketara; Barça, aldiz, seigarren postuan da Ligako sailkapenean, baina fitxaketak egin ditu neguko merkatuan.
Real Madrilen zalantzan dago Dani Carvajalen parte-hartzea. Defentsako ezker hegaleko jokalariak gainditu berri du lesioa, eta badirudi Lucas Vazquez egongo dela hasierako hamaikakoan postu hori betetzeko. Bale eta Mariano, biak min hartuta, Carlo Ancelotti entrenatzaileak osatutako deialditik at geratu dira.
Barçak, bestalde, neguko merkatuan fitxatu duen Ferran Torres inskribatu du Ligan, eta valentziarrak Superkopa jokatu ahalko du. Torres, Pedrirekin batera iritsi zen Riadera astelehenean, eta asteartean taldekideekin entrenatu ziren bi jokalariak. Duela egun gutxi Ligan inskribatutako Dani Alves eta lesioa gainditu berri duen Frenkie de Jong hasierako hamaikakoan egongo dira. Xavi Hernandez entrenatzaileak ez du deialdian sartu Eric Garcia, min hartuta baitago.
Ustezko hamaikakoak:
Bartzelona: Ter Stegen; Dani Alves, Pique, Araujo, Jordi Alba; F. De Jong, Busquets, Gavi; Dembele, L. De Jong eta Jutgla.
Real Madril: Courtois; Lucas Vazquez, Militao, Alaba, Mendy; Kroos, Casemiro, Modric; Asensio, Benzema eta Vinicius.
Epailea: Munuera Montero.
Estadioa: King Fahd Stadium.
Ordua: 20:00etan.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.