Ligako 15. jardunaldia, astean zehar
Santander Ligako 15. jardunaldia abenduaren 22an eta 23an jokatuko da. Asteartean Elx-Osasuna, Reala-Atletico eta Vila-Real-Athletic partidak jokatuko dira, eta asteazkenean, Alaves-Eibar euskal derbia.
Jagoba Arrasateren taldea azkena da Vila-Realen aurka Sadarren galdu ondoren (1-3). Lau porrota jarraian jaso ditu eta garaipena balore handikoa izango litzateke nafarrentzat. Dena den, Elxek ere borrokatuko du; zazpi jardunaldi irabazi gabe daramatza eta jaitsiera postuetatik gertu dago.
Erraldoien duelua Reale Arenan. Reala liderraren kontra neurtuko da, Atletico Madrilen kontra. Donostiarrek adore apur bat galdu dute -bost jardunaldi irabazi gabe daramatzate eta azken bi partidak galdu dituzte-, baina zailtasunak jarriko dizkiete Simeoneren jokalariei. Albiste ona Oyarzabalen berreskuratzea da.
Jokatuko duten azkenak lehoiak izango dira, 22:00etan, Ceramica zelaian. Athletic zein Vila-Real garaipen garrantzitsu bat lortzetik datoz hainbat norgehiagoka irabazi gabe egon ostean, Athleticek Huescaren aurka (2-0). Ikusiko da zein iristen den motibazio gehiagorekin.
Eta asteazkenean, Alaves eta Eibar Mendizorrotzan neurtuko dira. Bi taldeek behar dute garaipena, jaitsiera postuak "ukitzen" ari direlako; armaginek babazorroek baino puntu bat gehiago dute bakarrik.
Zure interesekoa izan daiteke
Munduko Txapelketak Athleticen, Realaren eta Osasunaren Liga hasiera atzeratuko du
EA Sports Ligako lehen jardunaldiko partiden erdiak dataz aldatu beharko dira nazioarteko jokalarien atsedena errespetatzeko.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Ingalaterrak eta Argentinak Munduko Txapelketako finalerdiak jokatuko dituzte Norvegia eta Suitza luzapenean gaindituta
Jude Bellinghamek, biko batekin, Ingalaterrak Norvegiaren aurka lortutako markagailua irauli du (1-2), eta Argentinak Suitza borrokalari bati irabazi dio (3-1) Julian Alvarezek eta Lautaro Martinezek egindako golei esker.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Realak Sonya Keefe fitxatu du 2027-2028 denboraldira arte
Aurrelari txiletarra Granadatik ailegatu da Zubietara, bertan 11 gol sartu zituen iragan denboraldian.
Koskik 2031ra arte jarraituko du Alavesen
Alavesek Ville Koski aurkeztu du Mendizorrotzan. Duela gutxi egin zuen ofizial hurrengo bost denboraldietarako fitxatu zuela. Erdiko atzelari finlandiarra neguan iritsi zen, eta ordutik ligan soilik 5 neurketa jokatu bazituen ere, emandako maila ona ikusita, talde babazorroak 2031ra arte sinatzea erabaki du.
Ramisen agindupean ekin dio Osasunak lanari
Osasuna ere jarri da martxan denboraldi berriari begira. Osasun azterketak burutu ondoren, lehen lan saioa egin dute Taxoaren. Lan saio arina izan da, Luis Miguel Ramis entrenatzaile berria, pixkanaka, jokalariak ezagutzen joateko. Sanferminak izan arren, hainbat zale gerturatu dira.
Eibarrek Pejiño eta Imanol García de Albeniz aurkeztu ditu
Eibarrek Pejiño eta Imanol Garcia de Albeniz fitxaketa berriak aurkeztu ditu. Gallartakoak ondo ezagutzen du Eibar, utzita aritu baitzen eta berriro dator atzeko lerroa indartzera. Pejiñok, aldiz, metro batzuk aurrerago, erasoan jokatzen du, eta azken metroetan jokalari erabakigarria izateko fitxatu du Eibarrek.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.