Bayernek Dortmund mendean hartu eta Bundesliga irabazteko aurrerapausoa eman du
Bayern Munichek 0-1eko emaitzarekin irabazi dio Borussia Dortmundi Bundesligako 28. jardunaldiko partida. Ondorioz, Bayernek zazpi puntu ateratzen dizkio sailkapenean bigarren den Dortmundeko taldeari.
Neurketa hasi eta lasterrean izan du abagunea Borussia Dortmundek, baina Haalandek ez du Neuer atezaina gainditzea lortu. Lehen hamar minutuetan nagusi izan da Dortumndeko taldea, baina minutuak pasa ahala neurketa parekatu egin da. Bayernen erantzuna 19. minutuan etorri da Gnabryk izan duen aukerarekin, baina Piszczekek eragotzi du gola, baloia atepetik aterata.
Norgehiagoka atsedenaldira golik gabe helduko zela ematen zuenean, 43. minutuan, Joshua Kimmichek 0-1ekoa sartu du Bayernentzat. Kimmichek baselina ikusgarri batekin gainditu du Bürki atezaina.
Bigarren zatian, Borussia Dortmund erasokorrago zelairatu da, baina asko kosta zaio abaguneak sortzea. Partidako jokaldi polemikoa 58. minutuan iritsi da, Haalanden jaurtiketa Boatengek eskuarekin area barruan desbideratu duenean; epaileak, ordea, ez du penaltia adierazi eta VARak ez du epailearen erabakia zuzendu.
Azken minutuetan saiatu da Borussia Dortmund berdinketa lortzen, baina ezinean ibili da. Amaieran, garaipena eta hiru puntuak Bayern Munichentzat.
Fitxa teknikoa:
0; Borussia Dortmund: Bürki; Piszczek (Götze, 80. min), Hummels, Akanji; Hakimi, Dahoud (Witsel, 85. min), Delaney (Can, 46. min), Guerreiro; Hazard, Brandt (Sancho, 46. min); eta Haaland (Reina, 72. min).
1; Bayern Munich: Neuer; Pavard, Boateng (Hernandez, 85. min), Alaba, Davies; Kimmich, Goretzka; Coman (Perisic, 73. min), Müller, Gnabry (Javi Martinez, 87. min); eta Lewandowski.
Gola: 0-1: 43. min: Kimmich.
Epailea: Tobias Stieler. Txartel horiak atera dizkie Hummels, Dahoud, Müller eta Davies jokalariei.
Zure interesekoa izan daiteke
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Moussa Diarra, Al Wahda FC taldera
Lehen taldearekin 32 partida ofizial jokatuta, Maliko atzelariak Arabiar Emirerrietan jarraituko du bere kirol ibilbidea.
Sanchez Floresek ez du nahi Rayok bizi duen egoera bereziak Alavesen aurka jokatzea
"Azkenean Madrilen jokatzen ari dira, euren zaleak eurekin egongo dira, eta aurkariari sakatzen dioten jarraitzaleak dira", ohartarazi du entrenatzaile babazorroak. Rayo Vallecanok partida atzeratzea eskatu du, baina LaLigak ez du eskaera hori onartu, eta neurketa Butarquen jokatuko da.
Carlos Soler: “Iaz gol gehien jaso zituen taldea izan ginen, argi dago zerbait aldatzen saiatu behar garela"
Erdilari valentziarraren ustez, talde txuri-urdina "gol gutxiago jasotzen saiatu behar da, taldearen defentsa lana hobea izatea, iaz ez baitzen hala izan". Carlos Solerren hitzetan, Realak "denboraldiaurre ona" egin du. Gainera, pozik dago lehen denboraldiaurre osoa izan delako berarentzat, joan den udan talde gipuzkoarrera iritsi ostean.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Mikel Rodriguez Alaveseko jokalari getariarrak amestutako debuta izan du lehen mailan
Realetik Alavesera eginda, jokalari getariarrak amestutako debuta izan zuen aurreko larunbatean EA Sports Ligan. 57. minutuan atera zuen Quique Sanchez Floresek Denis Suarezen ordez. Ondo baino hobeto aprobetxatu zuen aukera eta Alavesek Getaferi sartu zion hirugarren gola egin zuen.
Javi Lopez, utzita Feyenoordera
Realak eta Herbehereetako klubak akordioa itxi dute, hegalekoak Rotterdamen jarrai dezan hurrengo denboraldian.
Realak badaki dagoeneko Txapeldunen Ligako atariko kanporaketaren itzuliko partida noiz jokatuko duen
Txuri-urdinek irailaren 2an, asteazkenean, 19:00etan, Zubietan jokatuko dute neurketa erabakigarria.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Eibarrek 1-3 galdu du Tenerife igo berriaren aurka
Armaginek Liga hasiera kaskarra izan dute Ipuruan, eta, Bautistaren golak markagailua berdindu duen arren, Kanarietako taldea nagusi izan da eta partida irabazi du.