Alavesek azken hasperenean sartutako gol batekin irabazi dio Athletici
Alavesek garaipena lortu du Athleticen aurka (2-1) Mendizorrotzan jokatu duen Ligako 25. jardunaldiko euskal derbian. Partidako 90. minutuan Rodrigo Elyk sartu duen golak erabaki du neurketa.
Talde zuri-gorria izan da nagusi lehen minutuetan, eta zazpigarren minutuan izan du gola sartzeko aukera, baina Pacheco atezainak eragotzi du, Williamsen errematea geldituta. Lau minutu beranduago etorri da Alavesen erantzuna, Unai Simon atezainak aurrea hartu dion arren Lucas Perezi, aurrelaria area barruan errematea egiteko prest zegoenean. Sei minutu beranduago, 17.ean, Athleticek gola sartu du; Yurik pasea eman du hegaletik, Vesgak ez du jaurtiketa egiterakoan asmatu, baina Raul Garciak jaso du baloia area kanpoan, eta 0-1ekoa sartu du, jaurtiketa bikain bati esker.
Lehen golaren ostean, Unai Simonek erantzun ona eman dio Camarasaren erremateari 20. minutuan, eta sei minutu beranduago, Yerayk penalia egin dio Aleix Vidali, Alavesek bikain antolatu duen kontraeraso baten ostean. Lucas Perezek banakoa (1-1) egin du, penalti jaurtiketan Unai Simon atezaina gaindituta.
Atsedenaldira iritsi aurretik, bi taldeetako batek ere ez du abagune argirik sortu; nabarmenena Athleticek izan du, Muniainek kanpora bota duen falta jaurtiketa baten bitartez.
Bigarren zatiaren hasiera parekatua izan da, eta bi taldeetako bat ere ez da bestea baino gehiago izan. Athleticek penaltia eskatu du 52. minutuan, Ximo Navarrok Muniaini kamisetatik heldu diolako area barruan, baina Mateu Lahoz epailearentzat ez da nahikoa izan penaltia adierazteko.
Azken ordu erdian ia ez da abagunerik egon, nahiz eta Alaves gola sartzetik oso gertu egon den 84. minutuan, Lucas Perezek langara bidali duen jaurtiketa baten bitartez. Alaveseko aurrelariak erdiraketa egin nahi zuen, itxi egin da, eta ez da gutxigatik sare barrura sartu. Amaierako bost minutuetan, atzean sartu da Athletic, eta, 90. minutuan Rodrigo Elyk 2-1ekoa sartu du, Lucas Perezek ateratako falta bat errematatuta. Gol horrek erabaki du partida, eta hiru puntuak eman dizkio Alavesi.
Fitxa teknikoa:
2 - Alaves: Pacheco; Navarro, Laguardia, Ely, Duarte; Aguirregabiria (Edgar Mendez, 46. min), Manu, Camarasa (Pons, 80. mn), Vidal; Joselu (Burke, 71. min) eta Lucas.
1 - Athletic: Simon; Capa (Lekue, 77. min), Nuñez, Yeray, Martinez, Yuri; Dani Garcia, Vesga, Muniain; Raul Garcia (Aduriz, 80. min) eta Williams (Larrazabal, 85. min).
Golak: 0-1, 17. min: Raul Garcia. 1-1, 28. min: Lucas Perez, penaltiz. 2-1, 90. min: Ely.
Epailea: Mateu Lahoz. Txartel horiak atera dizkie Navarro (31. min), Aguirregabiria (33. min), Ely (52. min) eta Pons (86. min) Alaveseko jokalariei, baita Capa (20. min), Nuñez (25. min), Dani Garcia (31. min) eta Iñigo Martinez (31. min) Athleticeko jokalariei.
Zure interesekoa izan daiteke
Sufrituta irabazi dio Eibarrek Andorrari (0-1)
Jokin Aranbarriren taldeak Aleix Garridok bigarren zatiaren hasieran sartu duen gola baliatu du 3 puntuak eskuratzeko, baina etxeko taldearen setioari eutsi behar izan dio, epaileak Jon Magunazelaia kanporatu ostean armaginak jokalari bat gutxiagorekin geratu baitira.
Luis Miguel Ramis: “Getaferen proposamena oso argia da eta oso ondo islatzen dute"
Luis Miguel Ramis entrenatzaileak badaki talde indartsua izango dutela aurrean, ideiak oso argi dituena, baina Osasuna etxean Getaferen aurka lehen garaipena lortzeko prest dago, horren ustez.
Athleticek dotore ekin dio Ligari, Badalona garaituta (3-1)
Athletic 3-1 nagusitu da igande honetan Badalonaren aurka Lezaman jokatu den F Moeve Ligako lehen jardunaldiko partidan. Victor Marin bikain estreinatu da zuri-gorrien aulkian. Pinedok, Azkonak eta Amezketak egin dituzte etxekoen golak.
Hector Fortek 2031ra arte sinatu du Realarekin
Bartzelonak beretzat gorde ditu berrerosteko aukera eta, etorkizunean jokalaria salduz gero, irabazien ehuneko bat jasotzeko eskubidea.
Gorrotxategi: “Ligan partida bat lasai irabaztea gutxitan gertatzen da"
Realeko jokalaria pozik azaldu da Espanyolen aurka lortutako garaipenagatik (2-1), EA Sports Ligako 3. jardunaldiko partidan. Garaipenak txapelketako lehen puntuak eman dizkio Realari.
Realaren egutegia, Europa Ligan
Talde txuri-urdinak AFC Bournemouthen aurka egingo du debuta Anoetan, irailaren 17an, 21:00etan; liga fasea ixteko azken partida, berriz, Juventusen aurka jokatuko du etxetik kanpo, urtarrilaren 28an, 21:00etan.
Realak garaipena lortu du Espanyolen aurka (2-1)
Barrenetxea eta Oskarssonen golek denboraldiko lehen garaipena eman diete txuri-urdinei une oro kontrolpean izan duten partidan.
Alimata Belemek eman dio garaipena Eibarri luzapenean (1-0)
Eibarrek denboraldiko lehen garaipena eskuratu du Espanyoli 1-0 irabazita, Ipuruan jokatu den F Ligako partidan. Alimata Belemek sartu du armaginen gola, korner batean.
Logroñok Realaren zalantzak zigortu ditu Zubietan (0-2)
Aste zaila da Realarentzat. Askeazkenean 5-2 galdu zuen Londresen Chesearen aurka, ostegunean Arturo Ruiz entrenatzaileak bere kargua utzi zuen eta gaur goizean 0-2 galdu du Logroño United taldearen aurka F Ligako debutean, Zubietan. Errioxarren golegileak Mawete eta Cris izan dira, bigarren zatian.
Terzicek ez du “distrakziorik" nahi jokalariek klubarekin duten gatazkagatik
Edin Terzic Athleticeko entrenatzaileak azpimarratu du ez duela "zelaian distrakziorik" nahi Celtaren aurka, bere futbolariek klubeko agintariekin duten gatazkaren ondorioz, osteguneko Bartzelonaren aurkako partidaren ondoren jakin zena.