Asier Garitanok ez du Leganes zuzentzen jarraituko
Asier Garitanok ez du Leganes zuzentzen jarraituko datorren denboralditik aurrera. Hala jakinarazi du Leganesek astearte honetan, bere kanal ofizialetan publikatu duen komunikatu baten bitartez.
Garitano duela bost denboraldi iritsi zen Leganesera, taldea Bigarren B Mailan zegoenean. Gipuzkoarrak taldea Lehen Mailara igotzea lortu du, eta Espainiako futbolaren maila gorenean mantentzea ere lortu du. Gainera, denboraldi honetan, salbazioa lortzeaz gain, Errege Kopako finalerdietara eraman du Leganes.
Leganesek honakoa adierazi du komunikatu ofizialean: "Asier Garitano Leganeseko entrenatzaileak klubari jakinarzi dio ez duela lehen taldea zuzentzen jarraituko datorren denboraldian. Duela bost denboraldi hasi zen Leganes zuzentzen, taldea Bigarren B Mailan zegoenean. Ordutik, taldea Bigarren Mailara igotzea lortu du, Lehen Mailara igotzea ere, eta taldea Errege Kopako finalerdietara eraman du azken denboraldi honetan. Kirol-ibilbide bikaina izan du, baina batez ere, bere izateko era, baloreak, klubean eta hirian integratu izana eskertzen diogu". Horrez gain, Leganesek gogoratu du, "Asier Garitano hiriko seme adoptiboa izandatu zuen Leganeseko Udalak eta ezabatu ezin daitekeen oroitzapena utzi du".
Garitanok 220 partida ofizial zuzendu dizkio Leganesi Ligako, Kopako eta Bigarren Mailara igotzeko playoffen artean. 220 partida horietatik, 86 garaipenarekin amaitu dira, 59 berdinduta eta 75 porrotarekin.
Asteazken honetan, 12;00etan, prentsaurrekoa eskainiko du Asier Garitanok Butarqueko estadioan.
Zure interesekoa izan daiteke
Osasunak estutu du, baina ez du gola aurkitu
Talde gorritxoa Levante baino gehiago izan da neurketan, baina asmatze faltak nagusitasun horrek garaipena lortzea eragotzi du.
Antonio Siverak 2030era arte jarraituko du Alavesen
Kontratua berrituta, Alaveseko kapitainak hamargarren denboraldia jokatuko du Gasteizen.
Alvaro Rodriguezek denboraldiko lehen garaipena eman dio Eibarri (1-0)
Armaginek Real Valladolid menderatu dute Ipuruan. Bisitariak hobeto aritu dira lehen zatian, baina Jokin Aranbarriren mutilek aurrerapausoa eman dute bigarrenean, eta azkenean nagusitu egin dira.
Ramis, LaLigako egutegiarekin haserre: “Ez dakit lehen jardunaldia edo bigarrena ikusten ari naizen, ez da normala"
Osasunako entrenatzailea etsita agertu da Osasunak Levanteren aurka jokatuko duen partidaren atarian, LaLigako lehen bi jardunaldiekin dagoen nahasmenarekin. Talde batzuek bi partida jokatu dituzte jada, Osasunak bat ere ez, eta astebetean hiru jokatu beharko ditu.
Sansek 1-2 menderatu du Albacete, eta denboraldiko lehen hiru puntuak eskuratu ditu
Arkaitz Mariezkurrenak, 6. minutuan, eta Gorka Gorosabelek, lehen zatiko luzapenean, egin dituzte Jon Ansotegiren taldearen bi golak; Albacetek partidako 80. minutuan sartu du berea, Bernabeuren eskutik.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Aihen Muñoz: “Aukerak izan ditugu berdintzeko, baina azkenean ez dugu lortu"
Realak 1-0 galdu du Sevillan Betisen aurka, aurtengo LaLigako estreineko partidan.
Realak ezin izan du punturik batu Betisen zelaian, Ligako lehen partidan (1-0)
Riquelmek sartu du, 63. minutuan, Andaluziako taldeari hiru puntuak eman dizkion gola. Realak, Oskarssonen eta Susicen bidez, oso gertu izan du berdinketa, baina, azkenean, talde txuri-urdinak neurketa galduta joan behar izan du aldageletara.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.