Bidasoa Irun Errege Kopako finalerdietatik kanpo geratu da, luzapenean galduta (36-37)
Bidasoa Irun taldeak ezin izan du Errege Kopako finalerdietan sartu, Granollersen aurka jokatutako final-laurdenetako partida 36-37 galduta.
Gipuzkoarrek ondo hasi dute partida, 3-0 aurreratu dira, baina hortik aurrera kataluniarren mende izan dira partida osoan. Defentsan maka, eta erasoan ez nahi bezain ondo, arazuko denbora 33na amaitzea lortu dute. Hala ere, luzapenak aurreko bi zatien ildo beretik jo du, eta azkenean Granollersek eraman du finalerdietako txartela.
Amaiera estu hori gutxik aurreikusi dute partida amaitzeko 11 minuturen faltan Granollers lau gol aurretik izan denean (24-28)
Hala ere, Oriol Reyri jarritako bi munutuko zigorrak gauzak erabat aldatu ditu. Bidasoak etekina atera dio egoerari partida berdintzeko, Xoan Ledo atezainak eta Adrian Fernandezek egindako lan bikaina baliatuz.
Berdintasun hori nagusi izan da azken minutura iritsi arte. Antonio Garciaren penalti jaurtiketak langan jo du, eta Bidasoa 33 eta 32 jarri da aurretik, partidako azken jabetzarekin.
Baina Jacobo Cuetararen taldea ez da partida erabakita uzteko gai izan. Rodrigo Salinasek jaurtiketa bat huts egin du, baina ez Antonio Garciak, eta ondorioz arauzko denbora 33na amaitu dute.
Luzapenean ere indarrak oso berdinduta izan dira, baina Granollersek defentsa zorrotza egin du, Oriol Reyren eta Joan Amigoren eskutik, eta finalerdietarako txartela eskuratu du 36 eta 37 irabazita.
Fitxa teknikoa
36 - Bidasoa Irun: Ledo (1); Cavero (6, 2p), Rodrigo Salinas (4), Adrián Fernandez (4), Víctor Rodríguez (2) eta Zabala (3) -hasierako taldea- Sierra, Ugarte (4), Furundarena (-), Odriozola (2), Aginagalde (2), Mujika (-), Tesoriere (-), Da Silva (-), Nieto (3) eta Dariel García (5)
37 - Fraikin Granollers: Rangel Luan; Sergi Franco (5), Chema Márquez (8), Rey (-), Amigó (-), Antonio García (7) eta Adrià Martínez (2) -hasierako taldea- Varela, Edgar Pérez (-), Gurri (1), Valera (5, 1p), Álex Márquez (1), Esteban Salinas (8), Armengol (-) eta De Sande (-)
Markagailua, bost minuturo: 3-1, 5-6, 8-9, 9-10, 11-13 y 14-17 (Atsedenaldia) 16-19, 19-23, 21-25, 26-28, 30-30, 33-33 (2. zatiaren amaiera) 35-35 (Luzapeneko 1. zatia amaituta) 36-37 (Amaiera).
Zure interesekoa izan daiteke
Bidasoari asko zaildu zaio pasea, Wolffen emanaldi bikainaren ostean
Talde irundarrak 27-20 galdu du THW Kielen kantxan multzoko liderraren aurka eta Europako Ligako final-laurdenetara sailkatzeko aukerak kolokan ikusi ditu.
Bidasoak EHF Europako Ligan jarraitzeko aukerak izatea bilatuko du Kielen, asteartean
Euskal taldeak Alemanian Kielen aurka galtzen badu, txapelketan jarraitzeko aukerarik gabe gera liteke, Montpellierrek Flensburgen aurka irabazten badu; Bidasoak garaipena lortuko balu edo Flensburgek Montpellier menderatuko balu, hilaren 10ean jokatuko den Bidasoa-Montepllier partidaren menpe geratuko litzateke sailkapena.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bidasoak inoiz baino ondoen jokatu beharko du Europako Ligan Montpellierren aurkako erronkan
Irungo taldeak Europako Ligako taldekako fasearen amaierarik zailenetako bati egin beharko dio aurre Frantzian, bajek eta maila goreneko aurkari baten sendotasunari eutsi beharrak baldintzatuta.
Dariel Garciak ez du CD Bidasoan jarraituko
"Taldearen jokoan funtsezko pieza” den ezker hegalekoak Irungo taldean bizitako etapa garrantzitsua itxi du.
Bidasoa Irunek galdu egin du Bartzelonaren aurka Espainiako Kopako finalerdietan
Gipuzkoako taldeak kanporaketa ona jokatu du, baina aurkariak partida hasieran lortutako abantaila erabakigarria izan da amaieran nagusitzeko.
Iñaki Cavero: “Bartzelona munduko talderik onena da, baina badaukagu partida hauetan esperientzia”
Bidasoa-Irunek larunbatean jokatuko du Kopako finalerdia, Bartzelonaren aurka. Irungo taldeko jokalariak, nabarmendu du aurkaria oso gogorra dela baina konfiantza dauka bere taldearengan
Irudek Bidasoa Irunek Bartzelona izango du aurkari Espainiako Kopako finalerdietan
Beste finalerdia Logroño-Valladolid izango da. Txapelketa otsailaren 7an eta 8an jokatuko da Teldeko (Kanaria Handia) Rita Hernandez pabiloian. Asobal Ligako lehen itzuliko lehen lau sailkatuak lehiatuko dira.