Beti Onakek Galychanka Lviven aurka jokatuko du EHF Europako Kopako bigarren kanporaketa
Replasa Beti Onakek Galychanka Lviv Ukrainako taldea izango du aurkari, EHF Europako Kopako bigarren kanporaketan. Zozketa gaur egin da, uztailak 15, asteartea.
Joaneko partida etxean jokatuko du Nafarroako taldeak, Atarrabian, irailaren 27an. Bestalde, itzuliko neurketan etxetik kanpo ariko da Beti Onak, urriaren 5ean.
Atarrabiako taldeak bigarren kanporaketa gaindituz gero, hirugarrena jokatuko luke azaroaren 8a (joanekoa) eta 16a (itzulikoa) artean. Hirugarren kanporaketako zozketa urriaren 7an izango da.
Final-zortzirenak 2026ko urtarrilean jokatuko dira, final-laurdenak, martxoan; finalerdiak, apirilean, eta finala, maiatzean.
Zure interesekoa izan daiteke
Zuazok irabazi du Euskal Kopa, Bera Berari oso final parekatua irabazita (23-25)
Zuazo Barakaldok irabazi du Euskal Kopa, Super Amara Bera Bera, maila goreneko liderra, Oñatin mendean hartuta.
Lucia Pradesek Bera Berarekin berritu du, 2028ra arte; eta Micak, Macak eta Ayelenek Beti-Onaken jarraituko dute, 2027ra arte
Donostiako taldeko atezainak bi denboraldiz luzatu du klubarekin lotzen zuen kontratua; 2024an iritsi zen Gipuzkoara. Nafarroako taldeko lehenengo lerroko hiru jokalariek, ordea, 2026-2027 denboraldiko amaierara arte jokatuko dute Atarrabiako klubean.
Miguel Etxeberria, Beti Onak taldearen entrenatzailea: “Baloratua sentitzen naiz, babestua”
Miguel Etxeberriak Replasa Beti Onak taldearen entrenatzaile izaten jarraituko du 2026-2027 denboraldian. Hortaz, zortzigarren denboraldia egingo du talde nafarra zuzentzen, eta "oso pozik, indartsu eta ilusioz" dagoela azpimarratu du. (Bideoa, gazteleraz)
Miguel Etxeberriak Beti-Onak taldearekin berritu du, 2026-2027 denboraldirako
Hala, Etxeberriak, gutxienez, zortzi denboraldi jarraian emango ditu Nafarroako taldearen entrenatzaile.
Super Amara Bera Berak irabazi du Replasa Beti-Onak taldearen aurkako euskal derbia (31-25)
Etxekoak aurretik joan dira hasieratik, eta aurkariek baino hobeto kudeatu dute partida.
Xavi Tuak kontratua luzatu du 2027ra arte
Jokalari kataluniarrak 25 partida jokatu eta 64 gol sartu ditu, taldeari ekarpen nabarmena eginez.
Bidasoa Irunek Leo Maciel berritu du 2027ra arte eta Nacho Vallesen irteera iragarri du
Talde gipuzkoarrak atezainari eta lehen lerroari eragiten dieten bi aldaketa baieztatu ditu azken egunotan bere jokalarien artean. Berrikuntza eta baja garrantzitsuak izango ditu datorren denboraldiari begira.
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.