Beti-Onakek 22-24 galdu du Porriñoren aurka, eta ez du Erreginaren Kopako azken fasea jokatuko
Replasa Beti-Onakek ezin izan du Conservas Orbe Rubensa BM Porriño mendean hartu, eta ez da XLV. Erreginaren Kopako azken fasean izango. Lehen jokalditik izan dira aurretik kanpotarrak markagailuan, eta nafarrek ezin izan dute markagailua irauli. Indurain Anaiak kiroldegiko harmailak jendez lepo bete dira kanporaketaz gozatzeko.
Lehen zatian, galiziarren joko bizi eta bertikalak arazoak sortu dizkie defentsan etxekoei. Hala ere, nafarrek ez dute amore eman, eta 12-14ko emaitzarekin iritsi dira atsedenaldira. Bigarren zatiaren hasieran, Pontevedrakoek zuloa ireki dute markagailuan, eta sei goleko abantaila ere lortu dute. Hala ere, Miguel Etxeberriak hutsartean egindako aldaketek fruituak eman dituzte, eta atea ixtea lortu dute. Defentsako sendotasuna berreskuratuaz batera, neurketa hogeina berdintzea lortu dute atarrabiarrek. Amaierara arte, emozioa eta parekotasuna izan dira nagusi. Azken minutuetan, ordea, Porriñoren eraginkortasuna gailendu da, eta azken faserako txartela lortu du, 22-24 nagusituta.
Neurketa hasi aurretik, urtarrilean selekzio autonomikoen Espainiako txapelketan parte hartu zuten klubeko jokalariei aitortza egin diete. Liga eta Kopako partidak kontuan hartuta, hiru partida jokatu dituzte denboraldi honetan bi taldeek elkarren aurka, eta nafarrek ezin izan dute garaipenik erdietsi. Zuazo Barakaldoko taldea ere txapelketatik kanpo geratu zen, Malagaren aurka 19-33 galduta. Horrela, Bera Bera izango da Illunbeko Donostia Arenan maiatzean jokatuko den azken fasean izango den euskal talde bakarra.
Zure interesekoa izan daiteke
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bera Bera vs Aula Valladolid eta Beti-Onak vs Mecalia Atletico Guardes, Kopako final-laurdenetan
Hori izan da astearte honetan Donostiako Aquariumean egindako zozketaren emaitza.
Bidasoak inoiz baino ondoen jokatu beharko du Europako Ligan Montpellierren aurkako erronkan
Irungo taldeak Europako Ligako taldekako fasearen amaierarik zailenetako bati egin beharko dio aurre Frantzian, bajek eta maila goreneko aurkari baten sendotasunari eutsi beharrak baldintzatuta.
Dariel Garciak ez du CD Bidasoan jarraituko
"Taldearen jokoan funtsezko pieza” den ezker hegalekoak Irungo taldean bizitako etapa garrantzitsua itxi du.
Bidasoa Irunek galdu egin du Bartzelonaren aurka Espainiako Kopako finalerdietan
Gipuzkoako taldeak kanporaketa ona jokatu du, baina aurkariak partida hasieran lortutako abantaila erabakigarria izan da amaieran nagusitzeko.
Laura Hernandezek Bera Bera taldea utziko du 2025-2026 denboraldiaren amaieran
2020-2021 denboralditik darama Hernandezek Donostiako taldean; orain arte, 192 partidu jokatu ditu Bera Berarekin, eta 513 gol sartu.
Beti-Onak EHF Europa Kopatik at geratu da
Nafarroako taldeak final-zortzirenetako itzulerako partida ere galdu du Bursa Buyuksehirren aurka (32-28).
Irudek Bidasoa Irunek Bartzelona izango du aurkari Espainiako Kopako finalerdietan
Beste finalerdia Logroño-Valladolid izango da. Txapelketa otsailaren 7an eta 8an jokatuko da Teldeko (Kanaria Handia) Rita Hernandez pabiloian. Asobal Ligako lehen itzuliko lehen lau sailkatuak lehiatuko dira.
Beti-Onakek kanporaketa irauli beharko du Turkian, Europako Kopan jarraitu nahi badu
Replasa Beti-Onakek 24-25 galdu du Turkiako Bursa Büyüksehir taldearen aurka etxean jokatu duen EHF European Cup txapelketako final-zortzirenetako joaneko partida. Horrenbestez, itzuliko norgehiagokan, markagailua irauli beharko du, kanporaketa gainditu eta hurrengo fasera pasatzeko.