Espainia Eurokopako hurrengo fasera sailkatu da Alemaniari irabazi ondoren (21-23)
Espainiako emakumezkoen eskubaloi selekzioak Eslovenian, Mazedonian eta Montenegron jokatzen ari den Europako Txapelketako bigarren fasera sailkatzea lortu du Alemaniari 21-23 irabazita. Ondorioz, txapelketan aurrera egin dute Espainiarekin lehiatzen ari diren Maddi Aalla, Maitane Etxeberria, Esther Arrojería eta Lysa Tchaptchet euskal jokalariek.
Defentsan sendo ibilita, atsedenaldira gol bateko abantailarekin iritsi da Espainia (10-11). Bigarren zatian talde alemaniarrak neurketa berdintzea lortu du (15-15) kontraerasoen bidez aurkariari min eginda. Bi taldeek izan dituzte aukerak zuloa irekitzeko, baina Espainiak hiru goleko errenta lortu ostean, abantaila mantendu du une oro. Alemaniaren azken golarekin, espainiarrek bi goleko aldeari eutsi diote (21-23); nahikoa hurrengo fasera pasatzeko.
Espainiak, Frantzia, Herbehereak eta Errumania izango ditu aurkari txapelketako bigarren fasean.
Fitxa teknikoa:
21 - Alemania: Filter; Behrend (2), Smits (3), Grijseels (6), Bolk (1), Stockschlader (2) eta Schmelzer (2) -hasierako taldea- Roch (ps), Antl (3), Petersen (1), Zschocke (-), Schirmer (-), Weigel (-), Maidhof (1), Hauf (-) eta Schulze (-)
23 - Espainia: Aalla; Valdivia (2, 1p), Arcos (2), Gassama (2), Lara Gonzalez (-), Barbosa (4) eta Jennifer Gutierrez (3, 1p) -asierako taldea- Wiggins (ps), Campos (6, 5p), Arrojeria (-), Etxeberria (2), Spugnini (-), Sole Lopez (-), Alicia Fernandez (1p), Almudena Rodriguez (1) eta Tchaptchet (-)
EMaitza bost minutuan behin: 1-2, 2-3, 4-6, 7-7, 9-10 eta 10-11 (atsedenaldia); 11-14, 15-15, 15-18, 18-21, 19-22 eta 21-23 (amaiera).
Epaileak: Eskil Braseth eta Leif Sundet (NOR). Bi minutuz kanporatu dituzte Bolk (2) eta Schmelzer Alemaniako jokalariak; baita Lara Gonzalez (2) eta Paula Arcos Espainiako jokalariak.
Zure interesekoa izan daiteke
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako talde alemaniarra izan dute aurrean, baina gipuzkoarrak ez dira kikildu horregatik. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.
Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bera Bera vs Aula Valladolid eta Beti-Onak vs Mecalia Atletico Guardes, Kopako final-laurdenetan
Hori izan da astearte honetan Donostiako Aquariumean egindako zozketaren emaitza.
Bidasoak inoiz baino ondoen jokatu beharko du Europako Ligan Montpellierren aurkako erronkan
Irungo taldeak Europako Ligako taldekako fasearen amaierarik zailenetako bati egin beharko dio aurre Frantzian, bajek eta maila goreneko aurkari baten sendotasunari eutsi beharrak baldintzatuta.
Dariel Garciak ez du CD Bidasoan jarraituko
"Taldearen jokoan funtsezko pieza” den ezker hegalekoak Irungo taldean bizitako etapa garrantzitsua itxi du.
Bidasoa Irunek galdu egin du Bartzelonaren aurka Espainiako Kopako finalerdietan
Gipuzkoako taldeak kanporaketa ona jokatu du, baina aurkariak partida hasieran lortutako abantaila erabakigarria izan da amaieran nagusitzeko.
Laura Hernandezek Bera Bera taldea utziko du 2025-2026 denboraldiaren amaieran
2020-2021 denboralditik darama Hernandezek Donostiako taldean; orain arte, 192 partidu jokatu ditu Bera Berarekin, eta 513 gol sartu.
Beti-Onak EHF Europa Kopatik at geratu da
Nafarroako taldeak final-zortzirenetako itzulerako partida ere galdu du Bursa Buyuksehirren aurka (32-28).
Irudek Bidasoa Irunek Bartzelona izango du aurkari Espainiako Kopako finalerdietan
Beste finalerdia Logroño-Valladolid izango da. Txapelketa otsailaren 7an eta 8an jokatuko da Teldeko (Kanaria Handia) Rita Hernandez pabiloian. Asobal Ligako lehen itzuliko lehen lau sailkatuak lehiatuko dira.