Horrelakoa izan da euskal kirolarien jardunaldia abuztuaren 6an, asteartea
Hauxe da, astearte honetan, abuztuaren 6an, 2024ko Parisko Joko Olinpikoetan euskal atletek egindako jardunaren laburpena:
SKATEA
Naia Laso Bermeoko skater gazteak (15 urte) diploma olinpikoa eskuratu Parisko Olinpiar Jokoetan, skate parkeko finalean zazpigarren tokian sailkatu eta gero. Sailkapen txandan min hartu ondoren aritu da finalean Laso, eta bere jarduerari eragin dio horrek; hala ere, Basque Teameko kideak sailkapen txandan baino puntuazio hobea lortuta (82.49) esan dio agur Parisi.
BELAR HOCKEYA
Herbehereetako selekzioak erabateko nagusitasunez gainditu du Espainiakoa finalerdietako partidan (4-0). Ondorioz, Chefo Basterra eta Rafa Vilallonga bizkaitarrak brontzezko domina lortzeko lehiatuko dira Alemaniak eta Indiak elkarren aurka jokatuko duten beste finalerdiko galtzailearen aurka. Txapelketako hirugarren tokia eskuratzeko norgehiagoka hori ostegunean izando da, 14:00etan.
ATLETISMOA
Asier Martinez atleta nafarrak 110 metro hesidunetako finalerdietarako txartela lortu du astearte honetan Parisko 2024ko Olinpiar Jokoetan.
Iruindarrak bigarren aukerako seriea jokatu behar izan du, eta bigarren sailkatu da bere proban, 13,46 segundoko denborarekin. Ondorioz, asteazken honetan 19:05etik aurrera jokatuko diren finalerdietako hiru serieetako batean izango da Martinez.
Bestalde, John Cabang Irurako (Gipuzkoa) atletak, Filipinetako selekzioa ordezkatuz Martinezen modalitate berean parte hartzen zuenak, ez du bere txandan parte hartzerik izan, eta, beraz, lehiaketatik kanpo geratu da korritu gabe.
Tessy Ebosele ez da luzera-jauziko finalera igaro
Tessy Ebosele arabarra ezin izan da sailkatu luzera-jauziko lehiaketako finalera, 12 marka onenetatik urrun geratu baita.
Eboselek 6,09 metroko jauzia egin du, dominen lehian sartzeko aukerarik gabe.
Lau atleta bakarrik sartu dira zuzenean finalean 6,75 metrotik gora eginda, gainerakoak hurrengo 8 erregistro onenengatik egin dute aurrera.
FUTBOLA
Irene Paredesek, Oihane Hernandezek, Lucia Garciak eta Elene Letek brontzezko domina izango dute jokoan, Espainiako selekzioarekin, ostiralean, hilaren 9an, 15:00etatik aurrera, Alemania aurkari. Espainiako taldeko lau euskal jokalariak Bibiane Schulzeren Alemaniaren aurka arituko dira; izan ere, Espainiak, Marseillan, 4-2 galdu du, Brasilen kontra, futboleko txapelketako bigarren finalerdian.
Irene Paredes hasierako hamaikakoan izan da, eta Oihane Hernandezek bigarren zatia jokatu du.
Zure interesekoa izan daiteke
Ander Garaiarrek 20 urtez azpikoen munduko errekorra hautsi du 4x100 errelebo mistoan
Esprinter gipuzkoarrak proba honetan erregistratutako markarik onena lortu du, Madrilgo eta Nafarroako atletez osatutako laukotearekin batera, asteburu honetan Katalunian egindako lehiaketa batean.
Dominic Lobalu eta Asayech Ayichew nagusitu dira Bilboko 10K lasterketan
Larunbat arratsaldean Bilbon jokatu den 10k lasterketan, Dominic Lobalu, Abderrahmane Aferdi eta Ayana Geneti nagusitu dira gizonezkoetan; emakumezkoetan, berriz, Asayech Ayichew, Nigsti Molla Hagos eta Francine Niyomukunzi.
Eneko Carrascal, Markel Fernandez eta Martin Segurola, Espainiako txapeldunak, Valentzian
Jauzi hirukoitzean, 3.000 metroetan eta 400 metroetan gailendu dira, hurrenez hurren.
Ibai Larrea eta Oihana Zubillaga nagusitu dira Arrasate-Udalatx mendi-lasterketan
Gaur goizean, Arrasate-Udalatx mendi-lasterketaren hamargarren edizioa jokatu da, eta, gizonezkoetan, Ibai Larrea antzuolarrak irabazi du, hirugarrenez jarraian; Luis Puigvert kataluniarra izan da bigarren, eta Oier Zubeldia amezketarra, berriz, hirugarren. Emakumezkoetan, Oihana Zubillaga anoetarra izan da azkarrena, eta haren atzetik sailkatu dira Carrodilla Cabestre eta Ainhoa Sanz.
Behobia-Donostia lasterketak zozketa baliatuko du, izena emateko modu orokor moduan
Antolatzaileek 30.000 kirolari inguru egoteko asmoa dute 2026ko lehian.
Berihu Aregawi eta Winfred Yavi gailendu dira Elgoibarko Nazioarteko Krosean
Berihu Aregawi etiopiarrak hirugarren urtez jarraian irabazi du Juan Muguerza Nazioarteko Krosa, Elgoibarren. Emakumezkoen proban, berriz, Winfred Yavi kenyarra izan da onena, eta erakustaldia emanda nagusitu da.
Igandean jokatuko da Juan Mugerza Nazioarteko Krosa, Mintxetako zelaietan
Igande honetan, urtarrilak 18, egingo da Elgoibarko Nazioarteko Krosa. Juan Mugerza Krosaren 82. edizioa Mintxetako zelaietan egingo da, eta bertan izango dira lehen mailako hainbat atleta. Zuzenean jarraitzeko aukera egongo da, igandean, 12:00etatik aurrera, ETB1en.
Martin Iriondo: "Martin Fiz bezalako atleta bati marka hobetzea oso polita da"
Martin Iriondo oriotarrak pista estaliko 5.000 metroko Espainiako errekorra hobetu du hogei urtez azpiko kategorian. Bostongo txapelketan ezarri zuen errekor berria, Martin Fizen marka baino 8 segundu gutxiago: 14:05:96.
Younes Kniya eta Dorcus Chepkwemoi nagusitu dira Amurrioko Nazioarteko Krosean
Amurrioko Nazioarteko Krosaren zazpigarren edizioa lehiatu da gaur. Gizonezkoetan, Younes Kniya nagusitu da (28:27); emakumezkoetan, berriz, Dorcus Chepkwemoi izan da garailea (32:41).
2026ko Gasteizko Maratoi Erdiaren 4.000 dortsalak agortu egin dira
Gasteizko 47. Maratoi Erdian 4.163 lagunek izena eman dute, atleta profesionalak eta federatuen artean; abenduaren 14an bilduko dira Gasteizko kaleetan.