Almeida nagusitu da Blattenen, eta Yatesek abantaila handitu du
João Almeida (UAE) Portugalgo txirrindulariak irabazi du ostiral honetan 2024ko Suitzako Itzuliko seigarren etapa, Blattengo azken igoeran garaipena lortuta. Etapa Ulrichen eta Blatten artean egin da, 42,5 kilometro eskaseko ibilbidean. Adam Yates taldekideak haren atzetik zeharkatu du helmuga, lau segundora, maillot horiari eutsi eta sailkapen nagusian aldea handituta. Hirugarren, berriz, Mattias Skjelmose danimarkarra izan da (Lidl-Trek).
Van den Broek, Bisseger eta Foldager izan dira eguneko ihesaldiko protagonistak, 10 kilometroko azken igoerara arte lasterketaren buruan izan baitira.
Hiru kilometro eta erdi falta zirenean, Yatesek erasoa jo du buruan jartzeko. Skjelmose, Bernal eta Almeida izan ditu atzetik. Helmugara iristeko 1,5 kilometroren faltan, kolonbiarrak bizkortu egin du erritmoa, Skjelmose eta Almeida atzetik abiatu dira, eta 500 metro aurrerago Bernal harrapatu dute.
Azken kilometroaren barruan, Yatesek ostegunean lortutako garaipena berretsiko zuela zirudienean, Almeidak martxa azkartu du eta bere taldeburuarengana iritsi da. Helmugarako 300 metro falta zirenean, Yates atzean geratu da eta Almeidak metro batzuetako aldea hartu du garaipena ospatu ahal izateko.
Antolatzaileek gaur bertan laburtu dute seigarren etapako ibilbidea. Txirrindulariak Locarnotik irten eta Blattenera iritsi behar ziren, 151,4 kilometro egin ondoren, Nufenenpassetik igarota. Azkenean, baina, etapak 42,5 kilometroko ibilbidea izan du, eta igoera bakarra, azken kilometroetan.
ETAPAKO SALKAPENA:
1 - ALMEIDA João (UAE) 0:55:13
2 - YATES Adam (UAE) +0:04
3 - SKJELMOSE Mattias (Lidl) +0:09
4 - BERNAL Egan (INEOS) +0:15
5 - MARTINEZ Lenny (Groupama) +0:35
6 - PIDCOCK Thomas (INEOS) +0:40
7 - MAS Enric (Movistar) +0:47
8 - RICCITELLO Matthew (Israel) d. b.
9 - SANCHEZ Pelayo (Movistar) +0:54
10 - GALL Felix (Decathlon) d. b.
SAILKAPEN NAGUSIA:
1 - YATES Adam (UAE) 16:39:46
2 - ALMEIDA João (UAE) +0:27
3 - BERNAL Egan (INEOS) +1:28
4 - SKJELMOSE Mattias (Lidl) +2:24
5 - MAS Enric (Movistar) +2:38
6 - RICCITELLO Matthew (Israel) +2:42
7 - PIDCOCK Thomas (INEOS) +3:28
8 - ONLEY Oscar (DSM) +3:37
9 - GALL Felix (Decathlon) +4:01
10 - SANCHEZ Pelayo (Movistar) +4:28
Zure interesekoa izan daiteke
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de 'Marsiko helmugan, Jonathan Milan eta Jasper Philipsen bezalako faboritoen aurretik. Milan bera etapako podiumetik urrun geratu da bere erasoa goizegi abiatuta.
Bi culotterekin atera da Jonas Vingegaard Paris-Nizako laugarren etapan
Lehenago ikusi gabekoa egin du Jonas Vingegaardek: Bi culotterekin atera da lasterketako laugarren etapara. Xira, maillot luze bat, bigarren xira bat xira bat, bigarren maillota eta bi culotte zeramatzan danimarkarrak soinean.
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.