Bryan Coquardek esprintean irabazi du Suitzako Itzuliko bigarren etapa
Bryan Coquard frantziarrak Suitzako Itzuliko bigarren etapa irabazi du esprintean. Guztira, txirrindulariek 177,3 kilometroko ibilbidea egin dute Vaduz eta Regensdorf artean. Yves Lampaert belgikarrak (Soudal-Quick Step) lider jarraitzen du sailkapen nagusian.
Aurretik, talde nagusiak izandako ihesaldi saiakera guztiak kontrolatu ditu. Soren Kragh Andersen danimarkarra (Alpecin-Deceuninck) eta Mauro Schmid suitzarra helmugarako 5,6 kilometrora harrapatu dituzte. Alberto Bettiol italiarra (EF Education-EasyPost) bera bakarrik saiatu da, baina erlojuaren aurka trebea den arren, azken kilometrora iritsi aurretik harrapatu dute.
Horrela, 32 urteko Coquard Michael Matthews australiarrari (Jayco AlUla) eta Arnaud de Lie belgikarrari (Lotto Dstiny) gailendu zaizkie helmugan. Brandon Rivera kolonbiarra (INEOS Grenadiers) laugarren izan da.
Coquardek profesionaletan lortzen duen 32. garaipena izan da, 2024ko lehena, eta UCI World Tourren eskuratzen duen bigarrena, 2023. urteko Tour Dwn Under proban lortutakoaren ostean.
Lampaert belgikarrak lehenengo etapan lortutako sailkapen nagusiko lehen postuari eutsi dio. Lau segundoko aldea du Ethan Hayter britainiarrarekiko (INEOS Grenadiers) eta zazpi segundokoa Joao Almeida portugaldarra (UAE Emirates) eta beste sei txirrindularirekiko.
Asteartean hirugarren etapa lehiatuko dute, 161.7 kilometrokoa, Steinmaur eta Rüschlikon artean, eta hirugarren mailako hiru mendate izango dituzte ibilbidearen bukaeran.
Etapako sailkapena
1 - COQUARD Bryan (Cofidis) 4:06:39
2 - MATTHEWS Michael (Jayco) d. b.
3 - DE LIE Arnaud (Lotto) d. b.
4 - RIVERA Brandon Smith (INEOS) d. b.
5 - COSTA Rui (EF Education) d. b.
6 - LAURANCE Axel (Alpecin) d. b.
7 - PIDCOCK Thomas (INEOS) d. b.
8 - ADRIÀ Roger (BORA) d. b.
9 - BUSATTO Francesco (Intermarche) d. b.
10 - WILLIAMS Stephen (Israel) d. b.
Sailkapen nagusia
1 - LAMPAERT Yves (Soudal) 4:11:44
2 - HAYTER Ethan (INEOS) + 0:04
3 - ALMEIDA João (UAE) + 0:07
4 - FISHER-BLACK Finn (UAE) d. b.
5 - MATTHEWS Michael (Jayco) d. b.
6 - WATSON Samuel (Groupama) + 0:09
7 - BETTIOL Alberto (EF Education) d. b.
8 - KUNG Stefan (Groupama) + 0:11
9 - SCHMID Mauro (Jayco) d. b.
10 - KRAGH ANDERSEN Soren (Alpecin) + 0:11
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.