2024ko Amstel Gold Raceko ibilbideak, profilak, ordutegiak eta parte-hartzaileak
Historiako hamargarren Amstel Gold Race Ladies Edition lasterketa eta 58. Amstel Gold Race proba igandean jokatuko dituzte, apirilaren 14an, Herbehereetan (gizonezkoen lasterketako zati labur bat Belgikan izango da). Amstel Gold Race Ardeetako Triptikoa izenekoaren aurreneko proba da; hurrengoa asteazkenean jokatuko dute, hilaren 17an, eta Fleche Wallonne da, eta azkena, ordea, hilaren 21ean, igandean, Lieja-Bastogne-Lieja proba. Amstel Gold lasterketan, ohi bezala, parte-hartzaileen zerrenda maila handikoa da; SD Worx taldeko Demi Vollering herbeheretarrak 2023an lortu zuen garaipena berretsi nahi du, eta Alpecin-Deceuninck taldeko Mathieu van der Poel, herbeheretarra bera ere, hautagai nagusia da palmaresean Tadej Pogacarren lekukoa hartzeko, UAE Emirateseko liderrak ez baitu parte hartuko aurtengo ekitaldian. EITBk zuzenean emango du proba, ETB1en eta eitb.eus-en bidez; emanaldia 14:00etan hasiko da, ETB4n eta eitb.eus-en. Telebistako emanaldia, hori bai, 15:00etan ETB1era igaroko da.
2024ko Amstel Gold Race Ladies Editioneko lasterketa
2024ko Amstel Gold Race Ladies Editioneko lasterketa Maastrichten hasiko da (Herbehereak),eta Valkenbburgen amaitu (Herbehereak, hori ere). Txirrindulariek 157,8 kilometroko ibilbidea egin beharko dute, eta proba 10:00etan hasiko da; aurreikuspena da irabazlea 14:08tik 14:15era bitartean helmugaratzea.
Garaipena erdiesteko lehian sartzeko moduan dauden txirrindularien zerrenda luzea da, eta izen handiz josita dago. Hauek nabarmenduko ditugu horretan: SD Worx taldean, Demi Vollering 2023ko irabazlea, Lotte Kopecky belgikarra eta Lorena Wiebes herbeheretarra; Katarzyna Niewiadoma poloniarra (Canyon); Shirin van Anrooij herbeheretarra (Lidl-Trek); Pfeiffer Georgi DSM taldeko britainiarra; UAEko Silvia Persico; eta Marianne Vos herbeheretarra (Visma Lease a Bike).
2024ko Amstel Gold Race Ladies Editioneko lasterketako profila
2024ko Amstel Gold Race
Emakumezkoen lasterketan ere egingo dutenez, gizonezkoen proba Maastrichten hasi eta Valkenburgen amaituko da. Parte-hartzaileak 10:45ean abiatuko dira, eta, 253,6 kilometro eginda, garaileak 16:47tik 16:56ra bitartean altxatuko ditu besoak, helmugako pankartapean.
Azken ekitaldian Tadej Pogacar nagusitu zen, baina esloveniarra ez da irtengo aurtengoan. Horrenbestez, Mathieu van der Poel da faborito nagusia irabazteko; Alpecineko ziklistak 2019an ere eskuratu zuen Amstel Gold lasterketa. Hauek dira beste faborito nagusiak: Joao Almeida, Juan Ayuso eta Brandon McNulty (UAE), Romain Gregoire (Groupama), Thom Pidcock eta Michal Kwiatkowski (INEOS), Matteo Jorgenson (Visma Lease a Bike), Benoit Cosnefroy (Decathlon-AG2R), Ben Healy (EF Education), Matej Mohoric (Bahrain Victorious), Michael Matthews (Jayco-AlUla) eta Mattias Skjelmose (Lidl-Trek).
Jarraitzeko moduko txirrindularien artean Pello Bilbao (Bahrain) eta Alex Aranburu (Movistar) ere badaude. Horiez gain, beste hiru euskal ziklista ere izango dira lasterketan: Jonathan Lastra (Cofidis), Jon Barrenetxea (Movistar) eta Xabier Mikel Azparren (Q36.5).
2024ko Amstel Gold Raceko profila
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.