Mathieu van der Poel eta Elisa Longo Borghini, jaun eta jabe Flandriako Tourrean
Mathieu van der Poel (Alpecin) munduko txapeldunak hirugarrenez irabazi du Flandriako Tourra, eta dagoeneko bost monumentu eskuratu ditu.
Lasterketa ikusgarria egin du: 270 kilometroko ibilbidea gauzatzeko, 6 ordu, 5 minutu eta 23 segundo behar izan ditu; batez beste, orduko 44,5 kilometroko abiaduran joan da, eta azken 45 kilometroak bakarrik egin ditu.
Txirrindulari herbeheretarra zen faborito nagusia, eta ez die inolako aukerarik eman aurkariei. Bederatzi gizoneko taldea izan du atzetik, baina ezinezkoa izan zaie Van der Poel harrapatzea.
Minutu batetik gorako aldearekin iritsi dira helmugara. Luca Mozzato (Arkea) izan da bigarrena, eta Michael Matthews (Jayco), hirugarrena. Alabaina, mugimendu irregular bat egitea egotzita, txirrindulari australiarra zigortu egin dute, eta haren tokia Nils Politti (UAE) eman diote azkenean.
SAILKAPENA
1. VAN DER POEL Mathieu (Alpecin-Deceuninck) 6:05:17
2. MOZZATO Luca (Arkéa) 1:02
3. POLITT Nils (UAE) m.t.
4. BJERG Mikkel (UAE) m.t.
5. MORGADO António (UAE) m.t.
6. SHEFFIELD Magnus (INEOS) m.t.
7. NAESEN Oliver (Decathlon AG2R) m.t.
8. TEUNS Dylan (Israel-Premier Tech) m.t.
9. BETTIOL Alberto (EF Education-EasyPot) m.t.
10. SKUJINŠ Toms (Lidl-Trek) m.t.
Emakumezkoen lasterketan, 136 kilometroko ibilbidean, berriz, Elisa Longo Borghini (Lidl Trek) Italiako txapeldunak gailendu da, eta bigarrenez eskuratu du Flandriako Tourra, 2015eko edizioa ere berak lortu baitzuen.
Lotte Kopecky (SD Worx) zen faborito nagusia, baina Lidl-Trek taldeak lan ona egin du, eta aukerarik gabe utzi dute munduko txapelduna.
Borghinik esprintean irabazi du lasterketa, eta Katarzyna Niewiadoma (Canyon) eta Van Anroiij (Lidl-Trek) izan dira bigarren eta hirugarren, hurrenez hurren. Handik gutxira iritsi dira, bestek beste, Kopecky, Marianne Vos, Demi Vollering eta Silvia Persico.
SAILKAPENA
1. LONGO BORGHINI Elisa (Lidl-Trek) 4:16:04
2. NIEWIADOMA Katarzyna (Canyon//SRAM Racing) d.b.
3. VAN ANROOIJ Shirin (Lidl-Trek) d.b.
4. VOS Marianne (Team Visma | Lease a Bike) 0:09
5. KOPECKY Lotte (Team SD Worx-Protime) d.b.
6. PIETERSE Puck (Fenix-Deceuninck) d.b.
7. PERSICO Silvia (UAE Team ADQ) d.b.
8. VOLLERING Demi (Team SD Worx-Protime) 0:15
9. PATERNOSTER Letizia (Liv AlUla Jayco) 1:40
10. SWINKELS Karlijn (UAE Team ADQ) d.b.
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.