UAEk irabazi du Paris-Nizako taldekako erlojupekoa, eta McNulty da lider berria
UAE Team Emirates taldeak Paris-Nizako hirugarren etapa irabazi du astearte honetan, Auxerren (26,9 kilometro). Arabiar Emirerri Batuetako taldeak alde polita atera die gainerakoei, agian, euririk gabeko tartea lagun izan duelako. Irteera hartu duten azkenek, berriz, ibilbide osoa edo zati bat ur azpian egin dute.
Dena dela, UAE-k erlojupeko bikaina egin du, eta horri esker Brandon McNulty estatubatuarra da lasterketako lider berria.
Antolatzaileek aurten ere aurreko urteko formatu berritzailearekin jarraitu dute, eta, hala, helmugako denbora ez du talde bakoitzeko laugarren txirrindulariak ezarri (halako probetan ohikoa denez), baizik eta taldeko lehenak. Alabaina, horrek ez ditu liderrik edota espezialista handiak aurrera egitera bultzatu, taldekideak alde batera utzita.
Egia da BORA-hansgrohe taldeak, Primoz Roglic esloveniarraren talde berriak, estutzea erabaki eta hiru txirrindularirekin amaitu duela, ahulenak ibilbide erdian atzean utzita. Beste batzuk, Remco Evenepoel (Soudal-Quick Step) kasu, azkenean baino ez dute esprintatu. UAE Team Emirates irabazleari dagokionez, lau txirrindularirekin helmugaratu da.
31:23ko denborarekin eta 51.429 kilometro orduko batez besteko abiadurarekin, João Almeidak, Brandon McNultyk, Finn Fisher-Blackek eta Jay Vinek garaipena eman zioten UAEri, Marc Soler 41 segundora zutela. Bigarren talde azkarrena Team Jayco AlUla izan da, irabazlearengandik 15 segundora; eta hirugarrena, EF Education-EasyPost, 20 segundora.
Remco Evenepoel buru duen Soudal-Quick Step taldea laugarren izan da 22 segundora, Belgikako txapeldunaren azken esprint horri esker. INEOS Grenadiersek ere denbora bera ezarri du, eta sailkapeneko bosgarren tokia bete du, Carlos Rodriguez, Jonathan Castroviejo eta Egan Bernalekin.
Gehiago galdu dute Team Vismak (38 segundo) edo Roglicen BORAk (54 segundo), Okerrago jardun du Movistar Teamek (irabazleengandik 1:56 minutura), nahiz eta Ruben Guerreiro, Will Barta, Albert Torres edo Rémi Cavagna izan, erlojuaren aurkako espezialista handia.
ETAPAKO SAILKAPENA
UAE Team Emirates 31:23
Team Jayco AlUla +0:15
EF Education +0:20
Soudal - Quick Step +0:22
INEOS Grenadiers d.b.
Team Visma +0:38
Astana +0:39
Decathlon AG2R d.b.
Cofidis d.b.
Bahrain +0:42
CLASIFICACIÓN GENERAL
1 - MCNULTY Brandon (UAE) 8:48:53
2 - FISHER-BLACK Finn (UAE) d.b.
3 - ALMEIDA João UAE (UAE) d.b.
4 - VINE Jay (UAE) d.b.
5 - MATTHEWS Michael (Jayco AlUla) +0:15
6 - HARPER Chris (Jayco AlUla)d.b.
7 - PLAPP Luke (Jayco AlUla) d.b.
8 - EVENEPOEL Remco (Soudal) +0:18
9 - DOULL Owain (EF Education) +0:20
10 - BERNAL Egan (INEOS) d.b.
Zure interesekoa izan daiteke
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.
Pogacar, txirrindularitzako munduko txapeldun bigarrenez jarraian
Esloveniarrak 6 ordu, 21 minutu eta 20 segundoko denborarekin amaitu du lasterketa, batez beste 42,089 km/h-ko abiaduran, eta 1 minutu eta 28 segundora helmugaratu da Remco Evenepoel.
Magdeleine Vallieres kanadarrak irabazi du urrezko domina munduko txapelketan, ezustekoa emanda
Kanadako txirrindularia iheskideei aurrea hartuta helmugaratu da. Niamh Fisher-Black zeelandaberritarra eta Mavi Garcia espainiarra izan dira bigarrena eta hirugarrena, hurrenez hurren.
Paula Ostiz, munduko txapelduna junior mailan
Iruñeko txirrindularia nagusitasunez gailendu da Kigaliko helmugan, eta gaur urrezko domina lortuta, aste historikoa biribildu du, astearteko erlojupekoan zilarra bereganatu baitzuen.
Marlen Reuserrek eta Remco Evenepoelek irabazi dute erlojupekoa 2025eko Munduko Txapelketan
Txirrindulari suitzarrak eta ziklista belgikarrak urrezko domina eskuratu dute elite mailan, Ruandan jokatzen ari den Munduko Txapelketan. Anna van der Breggen eta Demi Vollering igo dira podiuma osatzera emakumezkoetan, eta Jay Vine eta Ilan Van Wilder gizonezkoetan.
McNulty estatubatuarrak irabazi du Poloniako Tourra, eta Pello Bilbao bederatzigarren sailkatu da
McNultyk lidergoa lortu du azken erlojupekoan gailenduta. Pello Bilbao 20. izan da azken etapan, irabazlearengandik 45 segundora, eta bederatzigarren amaitu du sailkapen nagusian.
Isaac Del Torok irabazi du Burgosko Itzulia, eta Cicconek Neilako etapa handia
Mexikarrak buelta eman dio Leo Bisiaux ordura arteko liderrak zuen 26 segundoko aldeari. Sailkapen nagusian, Urko Berrade nafarra hamargarren izan da.