O 'Connorrek irabazi du UAE Tourreko hirugarren etapa eta Jay Vine da lider berria
Ben O 'Connor australiarrak irabazi du Jebel Jais proba, 176 kilometro 4 ordu, 6 minutu eta 21 segundotan burutu ondoren. Decathlon Ag2ko txirrindulariak Jebel Jais tontorretik 1.100 metrora ekin dio erasoari eta helmuga bakarrik gurutzatu du. Azken hau, bere ibilbide profesionaleko bederatzigarren garaipena du. Brandon McNultyk lidergoa galdu du, baina Jay Vine taldekideak hartu dio erreleboa, O 'Connorri 11 segundo eta aurreko liderrari 13 segundo aterata.
Mark Stewart britainiarrak eta Silvan Dillier suitzarrak erasoaldia jo dute etapa hasieran, baina haize-boladek beraien ihesaldia ezerezean utzi dute. Ondoren, Jonas Rickaertek eta Mark Stewartek beste ihesaldi bat jo dute, eta britainiarrak helmugatik 35 kilometrora 3 minutuko tartea zabaldu du.
Jebel Jais mendatera igotzean, UAEko txirrindulariak sailkapen nagusiko lehen hiru postuetan kokatu dira. Hala ere, 2023an egin zuen bezala, Movistarreko Einer Rubiok erasora jo du helmugatik 12 kilometrora. Erasoa UAEko txirrindulariek ondo kontrolatu dute, baina une horretan Adam Yates faboritoak erorikoa izan du.
Azkenean, McNultyk lidergoari eutsiko ziola zirudienean, O 'Connorrek erasoa jo du gailurretik kilometro batera. Decathloneko txirrindulariak ihes egin du, eta UAE Tourreko hirugarren etapa irabazi du.
Ostegun honetan, 175 kilometroko laugarren etapa jokatuko da, Dubai Police Officer 's Club eta Dubai Harbour artean.
Etapa:
1 - O'CONNOR Ben (Decathlon AG2R) 4:16:21
2 - VINE Jay (UAE) + 0:05
3 - VAN EETVELT Lennert (Lotto Dstny) m. t.
4 - POOLE Max (Team dsm) m. t.
5 - VAN WILDER Ilan (Soudal) m. t.
6 - VALTER Attila (Team Visma) m. t.
7 - RICCITELLO Matthew (Israel ) m. t.
8 - BILBAO Pello (Bahrain) m. t.
9 - RUBIO Einer (Movistar Team) m. t.
10 - CARR Simon (EF Education) m. t.
Sailkapen orokorra:
1 - VINE Jay (UAE) 7:39:44
2 - O'CONNOR Ben (Decathlon AG2R) + 0:11
3 - MCNULTY Brandon (UAE) + 0:13
4 - VAN WILDER Ilan (Soudal) + 0:21
5 - BILBAO Pello (Bahrain) + 0:22
6 - POOLE Max (Team dsm) + 0:31
7 - FOSS Tobias (INEOS) + 0:33
8 - CARR Simon (EF Education) + 0:36
9 - BJERG Mikkel (UAE) + 0:37
10 - VALTER Attila (Team Visma) + 0:39
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.