Olav Kooij nagusitu da, esprintean, Poloniako Tourreko laugarren etapan
Olaf Kooji herbeheretar gazteak (Jumbo Visma) irabazi du Poloniako Tourreko laugarren etapa, esprint oso estu batean gailenduta. Txirrindulariek 199,1 kilometroko ibilbidea egin dute Trzelin eta Opole artean. Sailkapen nagusiari dagokionez, Matj Mohoricek (Bahrain Victorious) lider jarraitzen du.
Koojik erasoa jo du helmugarako 200 metrora, taldeen artean euren txirrindulariak ondo kokatzeko izandako borrokaren ostean. Azkenean 21 urteko gaztea gailendu da 4 ordu 23 minutu eta 16 segundoko denbora eginda. Bigarren Marijn Van den Berg (EF Education) herrikidea izan da, eta hirugarren, Matteo Moschtti (Q36.5 Pro Cycling) italiarra.
Koojik bere 22. garaipena lortu du. Paris-Nizan ere etapa bat irabazi du aurten eta iazko Poloniako Tourrean beste bat. Aurten zortzi garaipen lortu ditu.
Sailkapen nagusian, aldaketarik ez
Sailkapen nagusiari dagokionez, ez da aldaketarik izan. Ibilbideak mendate bakarra izan du, eta lau txirrindularik osatutako ihesaldia helmugarako 25 kilometrora harrapatu du tropel nagusiak.
Ondorioz, faboritoen artean ez da ezustekorik izan. Matej Mohoricek lehen postuan jarraitzen du, Joao Almeida portugaldarra bigarren da 10 segundora, eta Rafal Majka hirugarren, 10 segundora ere.
Asteazkeneko etapa
Asteazkenean bosgarren etapa jokatuko dute, mendikoa, eta 198,8 kilometroko ibilbidearekin Pszczyna eta Bielsko artean. Bi mendate igo beharko dituzte, bat lehen mailakoa eta bestea bigarrenekoa. Lehen 50 kilometroak lauak dira, eta ondoren, ibilbideak gora eta behera egiten du etengabe helmugara iritsi arte. Helmuga ere aldapan gora dago.
Etapako sailkapena
1 - KOOIJ Olav (Jumbo) 4:23:15
2 - VAN DEN BERG Marijn (EF Education) d. b.
3 - MOSCHETTI Matteo (Q36.5) d. b.
4 - WALSCHEID Max (Cofidis) d. b.
5 - BENNETT Sam (BORA) d. b.
6 - MARECZKO Jakub (Alpecin) d. b.
7 - MERLIER Tim (Soudal) d. b.
8 - DE KLEIJN Arvid (Tudor) d. b.
9 - TAMINIAUX Lionel (Alpecin) d. b.
10 - KOPECKÝ Matyáš (Novo Nordisk) d. b.
Sailkapen nagusia
1 - MOHORIC Matej (Bahrain) 17:38:11
2 - ALMEIDA João (UAE) +0:10
3 - MAJKA Rafal (UAE) d. b.
4 - KWIATKOWSKI Michal (INEOS) +0:12
5 - DUNBAR Eddie (Jayco) +0:20
6 - VAN WILDER Ilan (Soudal) d. b.
7 - ONLEY Oscar (dsm - firmenich) d. b.
8 - BATTISTELLA Samuele (Astana) d. b.
9 - MARTINEZ Lenny (Groupama) d. b.
10 - MONIQUET Sylvain (Lotto) d. b.
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.