2023ko Donostiako Klasikoaren ibilbidea
Donostiako Klasikoaren 42. edizioak 2023rako ibilbidea gogortu du, zazpi mendate puntuagarrirekin, uztailaren 29an Remco Evenepoelen ondorengoa bilatzen saiatuko dena.
Lehen mailako txirrindularitza proba horren antolakuntzak bere ibilbidea aurreko edizioekin alderatuta aldatu dela baieztatu du ostegun honetan. 230,3 kilometroko ibilbidea izango du, aurreko urtean baino sei kilometro gehiago, eta bertan Jaizkibel edo Murgileko horma bezalako mendi klasikoak mantenduko dira, aurten birritan igoko dena.
Ohiko bi mendate horiez gain, tropelak Meaga (3. maila), Iturubur (2. maila), Alkiza (3. maila), Erlaitz (1. maila) eta Mendizorrotz (2. maila) igo beharko ditu, baita tarteko bi esprint ere, Donostiako Bulebarrean eta Usurbilen (Gipuzkoa) helmugarako lehen pasagunean daudenak.
World Team lizentzia duten munduko 18 talderik onenak izango dira irteeran, Frantziako Tourra lehiatzen aritu ondoren. Besteak beste, Ineos, Jumbo-Visma, Movistar Team, Quick Step eta Cofidis taldeak arituko dira bertan. Horrez gain, Burgos BH, Caja Rural, Kern Pharma, Euskaltel-Euskadi, Ten Total Energies, Lotto eta Israel ere bertan izango dira.
Donostiako Klasikoaren egungo txapelduna, Remco Evenepoel belgikarra, lasterketaren 42. edizioa bereganatzeko faborito nagusietakoa izango da. Lasterketako irteeran egongo dira ere proba horretako beste lau irabazle, hau da, Neilson Powless iparramerikarra (2021ean irabazi zuen), Bauke Mollema herbeheretarra (2014), edota Tony Gallopin (2013) eta Julian Alaphilippe (2018) frantziarrak. Gainera, aurtengo Tourrean etapa garaileak izan diren Pello Bilbao, Jon Izagirre eta Carlos Rodriguez ere egongo dira. Mikel Landa, Alex Aranburu eta Omar Fraile euskal txirrindulariak ere Donostian izango dira.
Lasterketa zuzenean ikusi ahalko da eitb.eus-en eta ETB1en, 14:30etik aurrera.
LASTERKETAREN PROFILA
------------------------------------------
MURGIL MENDATEA
------------------------------------------
LASTERKETAREN MAPA
------------------------------------------
FITXA TEKNIKOA:
Data: Uztailak 29
Ibilbidea: Donostia-Donostia
Distantzia: 230,3 km
Irteera ordua: 10:53
Iritsiera ordua: 16:33 (42 km/h) | 16:50 (40 km/h) | 17:08 (38 km/h)
Mendiko saria: Meaga (3. maila), 26,8. kilometroan; Iturburu (2. maila), 59,5. kilometroan; Alkiza (3. maila), 78,8. kilometroan; Jaizkibel (2. maila), 137. kilometroan; Erlaitz (1. maila), 157. kilometroan; Mendizorrotz (2. maila), 193,3. kilometroan; Murgil (2. mailakoa), 222,2. kilometroan.
Zure interesekoa izan daiteke
Yuliia Biriukovak (Laboral Kutxa) bigarren postu bikaina lortu du San Salvadorko Sari Nagusian
Francesca Hall (Roland Cogeas Cycling) britainiarra nagusitu da azken igoeran, baina Laboral Kutxako txirrindulariak erritmo altuari eutsi dio bigarren postua lortzeko, segundo gutxi batzuk geroago helmugaratuta.
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.