Vingegaard da lider berria, bakarkako erakustaldia eman ostean
Jonas Vingegaard (Jumbo Visma) danimarkarra da 2023ko Dauphine Kriteriumeko lider berria, bostgarren etapa irabazita, bakarkako erakustaldia eman ostean, Cormoranche-sur-Saône eta Salins-les-Bains artean jokatu den jardunaldian (191,1 kilometro).
Tropelak azken gailurrean harrapatu du eguneko ihesaldia, helmugatik 17 kilometrora, eta bertan jo du erasoa Richard Carapazek (EF). Vingegaard, ordea, haren gurpilera itsasi da, handik gutxira erasoa jotzeko. Carapaz atzean utzi, eta helmugara bakar-bakarrik iritsi da danimarkarra.
Etapako bigarren postua Julian Alaphilippe (Soudal) frantziarrarentzat izan da, 31 segundora, eta hirugarrena, Tobias Johannessen (Bat X) norvegiarrarentzat. Bi hauek hogei bat txirrindulariz osatutako tropeltxo baten buruan iritsi dira, Mikel Landa (Bahrain) ere bertan zela.
Horrela, danimarkarrak sasoi onean dagoela erakutsi eta, aldi berean, lasterketa ia erabakita utzi du. Izan ere, sailkapen nagusiko lehen postuan dago orain Vingegaard, eta 1:23 minutuko aldea ateratzen dio Alaphilipperi eta 1:24koa Ben O 'Connor estatubatuarrari (Ag2r). Bestalde, Landa liderrarengandik urruti dago, hogeita zortzigarren postuan, 3:40ra.
Ostiralean, seigarren etapak Nantua eta Crest-Voland udalerriak lotuko ditu 170,2 kilometroko ibilbidean.
5. ETAPAREN SAILKAPENA
1 - VINGEGAARD Jonas (Jumbo) 4:03:42
2 - ALAPHILIPPE Julian (Soudal) +0:31
3 - JOHANNESSEN Tobias Halland (Uno-X) d.b
4- CHAMPOUSSIN Clément (Arkéa) d.b
5 - POOLE Max (DSM) d.b
6 - HINDLEY Jai (BORA) d.b
7 - MAS Enric (Movistar) d.b
8 - YATES Adam (UAE) d.b
9 - MARTINEZ Lenny (Groupama) d.b
10 - CHAVES Esteban (EF) d.b
18 - LANDA Mikel (Bahrain) d.b
SAILKAPEN NAGUSIA
1 - VINGEGAARD Jonas (Jumbo) 17:03:03
2 - O'CONNOR Ben (AG2R) +1:10
3 - ALAPHILIPPE Julian (Soudal) +1:23
4 - YATES Adam (UAE) +1:26
5 - GROßSCHARTNER Felix (UAE) +1:27
6 - HINDLEY Jai (BORA) +1:37
7 - HAIG Jack (Bahrain) +1:44
8 - MARTÍNEZ Daniel Felipe (INEOS) +2:07
9 - BJERG Mikkel (UAE) +2:21
10 - MARTIN Guillaume (Cofidis) +2:54
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.