Roglicek abantaila hartu du Evenepoelekiko Lo Porten
Primoz Roglic esloveniarrak (Jumbo-Visma) garaipen epikoa lortu du Lo Porten (Tarragona), Remco Evenepoelekin (Quick-Step) jokatu duen beste amaiera altu batean. Azken metroetan sei segundoko aldea lortu du, azken unean indarrak falta izan baitzaizkio munduko txapeldunari.
Horrela, Roglicek Kataluniako Voltako lider izaten jarraitzen du bosgarren etapa honen ostean eta, gainera, 10 segundoko tartea du bigarren sailkatua den Evenepoelekiko.
Hirugarren Joao Almeida portugaldarra izan da (UAE Team Emirates), esloveniarrarengandik 12 segundora, eta sailkapen nagusian ere hirugarren jarri da, Jumbo-Vismako izarrarengandik 1:12 minutura.
Tropelak, Roglicen Jumbo-Visma taldeak gidatuta, ontzat eman du ihesaldia eta 10 kilometro pasatxo egin ondoren 4 minutu eta 45 segundora iritsi da aldea. Ordutik aurrera, tropela Evenepoelen Quick-Step taldeak gidatu du.
Ihesaldia bost txirrindulari espainiarrek osatu dute: Kern Pharmako hiru txirrindulari (Pablo Castrillo, José Félix Parra eta Héctor Carretero) eta Julen Amezqueta (Caja Rural) eta Ibai Azurmendik (Euskaltel).
Evenepoelen erasoa helmugatik 4,5 kilometrora izan da eta Roglicek arazorik gabe jarraitu dio. Giulio Ciccone italiarrak (Trek-Segafredo), Mikel Landa euskaldunak (Bahrain Victorious) eta Almeida portugaldarrak ezin izan diete erritmoa jarraitu.
Azkenean, borroka hiruren artekoa izan da. Lehenbizi Almeida saiatu da, eta gero Roglic. Bi aldietan Evenepoelek bikain erantzun du. Probatzen hirugarrena bera izan da eta esloveniarrak bakarrik jarraitu dio gurpilari. Bazirudien munduko txapeldunak eramango zuela etapa, baina Roglicen kontraerasoak iltzatuta utzi du Evenepoel azken 50 metroetan.
5. ETAPAKO SAILKAPENA:
1 - ROGLIC Primoz (Jumbo) 4:27:41
2 - EVENEPOEL Remco (Quick-Step) +0:06
3 - ALMEIDA Joao (UAE) +0:12
4 - SOLER Marc (UAE) +0:28
5 - URÁN Rigoberto (EF) +0:44
6 - MARTINEZ Lenny (Groupama) +0:47
7 - LANDA Mikel (Bahrain) +0:56
8 - WOODS Michael (Israel) d. b.
9 - HINDLEY Jai (BORA) +1:04
10 - UIJTDEBROEKS Cian (BORA) +1:15
CLASIFICACIÓN GENERAL
1 - ROGLIC Primoz (Jumbo) 17:01:54
2 - EVENEPOEL Remco (Quick-Step) +0:10
3 - ALMEIDA Joao (UAE) +1:02
4 - LANDA Mikel (Bahrain) +1:50
5 - SOLER Marc (UAE) d. b.
6 - WOODS Michael (Israel) +1:54
7 - CICCONE Giulio (Trek) +1:57
8 - HINDLEY Jai (BORA) +2:02
9 - UIJTDEBROEKS Cian (BORA) +2:23
10 - URÁN Rigoberto (EF) +2:44
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.