Pogacarrek irabazi du Paris-Niza azken etapan garaipena bereganatuta
Tadej Pogacarrek (UAE Emirates Team) irabazi du 2023ko Paris-Niza. Esloveniarrak garaipena bereganatu du azken etapan. Gainera, lasterketaren zortzi etapetatik hiru irabazita itxi du bere parte-hartzea.
Zortzigarren etapako laugarren kilometroa beteta egin dute ihes tropeletik Jonas Gregaard eta Alexander Kristoff Uno X Pro Cycling taldeko txirrindulariek. Geroago, ordea, Gregaardek egin du aurrera, baina azetik zetorren talde batek bat egin du danimarkarrarekin; hantxe zen Ion Izagirre ere. Ondorioz, txirrindulari hauexek osatudute ihesaldiko taldea: Lucas Hamilton (Jayco AlUla), Jhonatan Narvaez (Ineos Grenadiers), Nils Politt (Bora-Hansgrohe), Stefan Kung (Groupama FDJ), Fred Wright (Bahrain Victorious), Ion Izagirre (Cofidis), Oliver Naesen (Ag2R-Citröen), Clément Champoussin eta Kevin Vauquelin (Arkea Samsic), Kobe Goosens (Intermarche-Circus-Wanty), David De la Cruz (Astana), Jonas Gregaard (Uno X), Jan Tratnik (Jumlo Visma), Pascal Eenkhoorn (Lotto Dstny), Lilian Calmejane (Intermarche) eta Hugo Houle (Israel Premier Tech).
Bigarren mailako Pellieko igoeran deegin da ihesaldiko taldea, eta Wout Poelsek (Bahrain Victorious) hartu du lasterketa burua. Pixkanaka, ihesaldiko taldetxotik atzean geratutako txirrindulariak harrapatzen hasi da tropela, eta Poelsi ere ez dio utzi abantaila asko handitzen. Pogacarren UAE Emiratesek erritmo bizia jarri du tropelean eta Poels harrapatu du helmugarako 26 kilometro falta zirenean.
Ondoren, Col d'Eze mendateko igoera izan da etapa erabaki duena. Tadej Pogacarren lehen erasoari erantzun egin diote Jonas Vingegaardek (Jumbo Visma), David Gauduk (Groupama-FDJ) eta Simon Yatesek (Jayco AlUla), baina esloveniarrak berriz erritmo aldaketa egin duenean ezin izan dio inork jarraitu. Azkenean, aise nagusitu da Pogacar. Vingegaard izan da bigarren, Gaudu hirugarren, Yates laugarren eta Matteo Jorgenson (Movistar) bosgarren. Guztiak helmugaratu dira Pogacarrekiko 33 segundora.
Horrenbestez, Tadej Pogacarrek amaitu du Paris-Niza sailkapen nagusiko lehen postuan, Gaudu izan da bigarren 53 segundora eta Vingegaard hirugarren liderrarekiko 1'39"ra.
8. etapako sailkapena:
1 - POGACAR Tadejn (UAE) 2:51:02
2 - VINGEGAARD Jonas (Jumbo) + 0:33
3 - GAUDU David (Groupama) d. b.
4 - YATES Simon (Jayco) d. b.
5 - JORGENSON Matteo (Movistar) d. b.
6 - POWLESS Neilson (EF Education) + 0:43
7 - SIVAKOV Pavel (INEOS) d. b.
8 - BARDET Romain (DSM) d. b.
9 - HAIG Jack (Bahrain) d. b.
10 - MÄDER Gino (Bahrain) d. b.
Sailkapen nagusia:
1 - POGACAR Tadej (UAE) 24:01:38
2 - GAUDU David (Groupama) + 0:53
3 - VINGEGAARD Jonas (Jumbo) + 1:39
4 - YATES Simon (Jayco) + 2:14
5 - MÄDER Gino (Bahrain) + 2:56
6 - POWLESS Neilson (EF Education) + 3:17
7 - BARDET Romain (DSM) + 3:19
8 - JORGENSON Matteo (Movistar) d. b.
9 - SIVAKOV Pavel (INEOS) + 4:05
10 - HAIG Jack (Bahrain) + 4:56
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.