Pedersenek irabazi du Fontainebleuko esprinta, Paris-Nizako bigarren etapan, eta lider jarri da
Trek-Segafredo taldeko Mads Pedersen txirrindulari danimarkarrak irabazi du 2023ko Paris-Nizako bigarren etapa, astelehenean. Pedersen, halaber, sailkapen nagusiko lehen postuan jarri da, Tim Merlier belgikarrari maillot horia kenduta (Merlier lehen etapa gailendu zen, igandean).
Frantziako lasterketako bigarren etapak 163,7 kilometro izan ditu, eta Bazainvillen hasi eta Fontainebleaun bukatu da. Esprintean jokatu dute, tropela bat eginda iritsi baita helmugara, eta azken metroak ikusgarriak izan dira, proban maila handiko esprinterrak daudelako, eta, gainera, horietako hainbat sartu direlako garaipenerako lehian. Pedersenek denboraldiko bigarren garaipena lortu du, eta bigarren aldiz nagusitu da Paris-Nizan; Olav Kooij Jumbo taldeko herbeheretarrari eta Magnus Cort Nielsen EF Education-EasyPosteko danimarkarri gailendu zaie, Fontainebleun.
Sailkapen nagusian, Tadej Pogacarren aurrerapena ere da nabarmentzekoa; UAE Team Emirateseko esloveniarrak 12 segundo lortu ditu asteleheneko etapan, denbora sari gisa, eta bigarren jarri da, Pedersenek baino bi segundo gehiago dituela. Hain zuzen, eguneko azken esprint berezian erdietsitako sei segundoak kontuan izanik, une horretan probako lider zegoen. Oraingoz, Jonas Vingegaard Jumboko danimarkarrarekiko 12 segundoko aldea du Pogacarrek.
Danimarkako beste txirrindulari bat, Uno-X Pro Cycling taldeko Jonas Gregaard hain zuzen, eguneko beste protagonistetako bat izan da. Gregaardek bakarrean egin du etapako zati esanguratsu bat, ihes eginda; tropelak helmugarako 53 kilometro geratzen zirela harrapatu du, esprinterren taldeak buru zituela. Iheslariak, baina, mendiko sailkapeneko lehen postua eskuratu du.
Asteartean, taldekako erlojupekoa jokatuko dute. Etapa Dampierre-en-Burlyn hasi eta amaituko da, eta 32,2 kilometro izango ditu. Paris-Nizako gakoetakoa izango da; izan ere, alde nabarmenak izan litezke bertan faboritoen artean.
BIGARREN ETAPAKO SAILKAPENA
1 - PEDERSEN Mads (Trek-Segafredo) 3:28:57
2 - KOOIJ Olav (Jumbo-Visma) d.b.
3 - CORT Magnus (EF Education-EasyPost) d.b.
4 - MCLAY Daniel (Arkea) d.b.
5 - TAMINIAUX Lionel (Aplecin-Deceuninck) d.b.
6 - MATTHEWS Michael (Jayco) d.b.
7 - VAN DEN BERG Marijn (EF Education-EasyPost) d.b.
8 - BOL Cees (Astana) d.b.
9 - RENARD Alexis (Cofidis) d.b.
10- DEMARE Arnaud (Groupama - FDJ) d.b.
SAILKAPEN NAGUSIA
1 - PEDERSEN Mads (Trek-Segafredo) 7:19:35
2 - POGACAR Tadej (UAE Team Emirates) +0:02
3 - MERLIER Tim (Soudal Quick-Step) +0:04
4 - KOOIJ Olav (Jumbo-Visma) +0:08
5 - BENNETT Sam (BORA) d.b.
6 - MATTHEWS Michael (Jayco) +0:10
7 - CORT Magnus (EF Education-EasyPost) d.b.
8 - LATOUR Pierre (TotalEnergies) d.b.
9 - GODON Dorian (AG2R) +0:12
10- VAN HOOYDONCK Nathan (Jumbo) d.b.
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.