Ferronek bereganatu du Gapeko etapa, eguneko ihesaldiko argiena izanda
Valentin Ferron (TotalEnergies) frantziarrak irabazi du Dauphine Kriteriumeko 6. etapa, Rives eta Gap (196,5 km) artean jokatu dena.
Ferronek eguneko ihesaldian parte hartu du beste sei iheskiderekin batera: Geoffrey Bouchard (AG2R-Citroen), Andrea Bagioli (Quick Step-Alpha Vinyl), Victor Lafay (Cofidis), Warren Barguil (Arkea Samsic), Pierre Rolland (B&B Hotels) eta Bruno Armirail (Groupama-FDJ).
Ihesaldi hori eguneko bigarren mendatean sortu da (50. kilometroa), eta lau minutu eta erdiko tartea zabaltzeraino iritsi da. Zazpi txirrindulariek elkarrekin iraun dute 138. kilometroan zegoen azken igoerara arte (Col de Cabre, 2. mailakoa). Orduan, Armirailek amore eman behar izan du, eta tropel nagusira bueltatu da. Gainerako iheskideek, ordea, lasterketaren buruan iraun dute Gapeko helmugara arte.
Azken kilometroko pankarta igaro berritan, Ferronek eraso kolpea jo eta tartea zabaldu du. Hasiera batean, Bagioli erantzuten saiatu bada ere, gainerakoek ere jazarpen lanean parte har dezaten espero zuen italiarrak. Laguntza hori ez da iritsi, eta Ferronek bere ibilbide profesionaleko garaipenik handiena ospatu ahal izan du Gapen.
Sailkapen nagusiari dagokionez, ez da aldaketarik izan, eta Wout van Aertek elastiko horiarekin jarraitzen du, asteburuarekin batera iritsiko diren jardunaldi erabakigarrien zain.
Molano, lasterketatik kanporatuta
Juan Sebastian Molano UAE Team Emirates taldeko txirrindulari kolonbiarra Dauphinetik kanporatu dute Hugo Page (Intermarché) frantziarrarekin liskarra izan ondoren. Bi txirrindulariek desadostasunen bat izan dute seigarren etapa amaitzeko 8 kilometro falta zirenean. Orduan, Molanok kaskoan jo du Page.
Gertatutakoaren ostean, probaren antolatzaileek kolonbiarra larterketatik botatzea erabaki dute.
Etapako sailkapena:
1 - FERRON Valentin TotalEnergies 4:22:17
2 - ROLLAND Pierre (B&B Hotels) +0:03
3 - BARGUIL Warren (Arkéa) d.b.
4 - BAGIOLI Andrea (Quick-Step) d.b.
5 - BOUCHARD Geoffrey (AG2R) d.b.
6 - LAFAY Victor (Cofidis) d.b.
7 - MOLANO Juan Sebastián (UAE) +0:32
8 - BOASSON HAGEN Edvald (TotalEnergies) d.b.
9 - GROENEWEGEN Dylan (BikeExchange)d.b.
10 - LOUVEL Matis (Arkéa) d.b.
Sailkapen nagusia:
1 - VAN AERT Wout (Jumbo-Visma) 21:27:20
2 - CATTANEO Mattia (Quick-Step) +1:03
3 - ROGLIC Primož (Jumbo-Visma) +1:06
4 - HAYTER Ethan (INEOS) +1:32
5 - VINGEGAARD Jonas (Jumbo) +1:36
6 - CARUSO Damiano (Bahrain) +1:49
7 - GEOGHEGAN HART Tao (INEOS) +1:55
8 - JORGENSON Matteo (Movistar) +2:00
9 - O'CONNOR Ben (AG2R) +2:10
10 - KELDERMAN Wilco (BORA) +2:12
Zure interesekoa izan daiteke
Harold Tejadaren ihesaldia 6. etapako azken kilometroetan
Harold Tejada kolonbiarrak erasoa jo du helmugatik 5 kilometro baino gutxiagora eta tropelarekiko sei segundoko abantailarekin iritsi da helmugara.
Tejadak irabazi du Paris-Nizako seigarren etapa, eta Vingegaardek lidergoari eutsi dio
Joshua Tarling, Igor Arrieta, Steff Cras eta Arthur Kluckers txirrindulariek osatutako taldeak egindako ihesaldia helmugarako bost kilometro falta zirela harrapatu du tropelak, eta Tejada aurreratu da azken metroetan.
Valgrenek irabazi du etapa, eta Del Toro lider jarri da berriro
Isaac del Torok (UAE) liderraren elastikoa berreskuratu du Michael Valgren danimarkarra (EF-Education) nagusitu den etapan.
Euskaltel-Euskadik Taiwango Tourra jokatuko du igandetik
Iaz Hennequinek etapa garaipen bat lortu zuen lasterketa horretan, eta Jordi Lopez hirugarren izan zen sailkapen nagusian.
Vingegaardek kolpea eman du bigarren etapa jarraian irabazi ondoren
Daniarra nagusitasunez eta bakarrik helmugaratu da, 20 kilometroren faltan erasoa jo ostean, eta ia erabakita utzi du Frantziako lasterketaren sailkapen nagusia.
Helmugatik 20 kilometrotara eraso egin eta bakarrik amaitu du Vingegaardek Paris-Nizako bosgarren etapa
Dagoeneko garaile bazen ere, Jonas Vingegaardek (VISMA) helmugatik 20,8 metrora egin du erasoaldia. Bakarrik helmugaratu da 4:29:01eko denbora eginda. Valentin Paret-Peintre (Quick-Step) iritsi da bigarren eta Harold Tejada (Astana) hirugarren.
Van der Poelek bere bigarren garaipena erdietsi du, eta Pellizzarik lidergoa kendu dio Del Torori
Nederlandarra izan da nagusi ostegun honetan Tirreno-Adriatico lasterketan, aurten bigarren aldiz, Giulio Pellizzari italiarraren aurretik. Van der Poel esprint polit batean nagusitu da.
Vingegaardek kolpe bikoitza eman du Uchonen, eta Ayusok erorikoa izan eta lasterketa utzi behar izan du
Danimarkako txirrindularia lasterketako liderra da, laugarren etapan bakarrik helmugaratuta. Vingegaardek erasoa jo du helmugatik 1.000 metrora, eta atzean utzi ditu Daniel Felipe Martinez eta Tim Van Dijke.
Jonas Vingegaardi laugarren etaparen garaipena eman dion erasoaldia eta helmugaratzea
Kilometro baten faltan, Jonas Vingegaardek (VISMA) eraso egin eta lasterketa ondo bideratuta utziko duen garaipena lortu du. 42 segunduko desberdintasunarekin helmugaratu da Daniel Felipe Martínez (Red Bull-BORA), jarraian, Tim Van Dijke (Red Bull-BORA).
Andresenek esprintean hegan egin du, Del Torok kontrolatzen duen Tirreno-Adriatico lasterketan
23 urteko danimarkarra jaun eta jabe izan da Magliano de Marsiko helmugan, Jonathan Milan eta Jasper Philipsen faboritoen aurretik. Milan bera etapako podiumetik urrun geratu da, erasoa goizegi abiatu du eta.