Alaphilippek erakustaldia eman du Errepideko Munduko Txapelketan
Julian Alaphilippek erakustaldia eman du Errepideko Munduko Txapelketan eta munduko txapelduna da bigarrenez jarraian, lasterketan zehar hiru eraso egin ostean. Horien artean, 15 kilometroren faltan egindakoak hankaz gora jarri du faboritoen tropeltxoa eta bakar-bakarrik helmugaratu da frantziarra. Dylan van Baarle herbeheretarra eta Michael Valgren danimarkarra bigarren eta hirugarren sailkatu dira, hurrenez hurren.
Frantziako txirrindulariak bere nagusitasuna erakutsi du Flandriako Munduko Txapelketan hasieratik. Nahiz eta belgikarrak, Van Aert eta Evenepoel, faboritoak izan, Alaphilippen erasoak dominik gabe utzi ditu belgikarrak.
Txapeldunaren atzetik, lau txirrindulariz osatutako taldetxo bat helmugaratu da: Dylan van Baarle, Michael Valgren, Jasper Stuyven eta Neilson Powless. Horien artean, herbeheretarra eta danimarkarra izan dira azkarrenak, bigarren eta hirugarren postuan sailkatuta.
Faboritoen artean, Mathieu Van der Poel zortzigarren sailkatu da, eta Wout van Aert belgikarra hamaikagarren.
Euskaldunen artean, zorterik ez. Izan ere, Alex Aranburu faboritoak erorikoa izan du eta lasterketa utzi behar izan du.
Horrenbestez, Julian Alaphilippe frantziarra munduko txapelduna da bigarrenez jarraian. Atzetik, Dylan van Baarlek eta Michael Valgrenek osatu dute dominen podiuma.
Errepideko Munduko Txapelketaren sailkapena
1 - ALAPHILIPPE Julian (Frantzia) 5:56:3
2 - VAN BAARLE Dylan (Herbehereak) + 32"
3 - VALGREN Michael (Danimarka) + 32"
4 - STUYVEN Jasper (Belgika) + 32"
5 - POWLESS Neilson (AEB) + 32"
6 - PIDCOCK Thomas (Britainia Handia) + 49"
7 - STYBAR Zdenek (Txekiar Errepublika) + 1'06"
8 - VAN DER POEL Mathieu (Herbehereak) + 1'18"
9 - SENECHAL Florian (Frantzia ) + 1'18"
10 - COLBRELLI Sonny (Italia) + 1'18"
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.