Mikel Landak bereganatu du Burgosko Itzulia
Mikel Landa Bahrain taldeko txirrindulariak irabazi du Burgosko Itzulia, Romain Bardet orain arteko liderrak Neilarako igoeran atzean geratu ostean. Txirrindulari arabarrak duela bi hilabete Italiako Giroan erori ostean lortzen duen lehen garaipena da.
Etapa garaipena EF Education taldeko John Garthek lortu du, Einer Rubioren (Movistar) eta Simon Yatesen (Bikeexchange) aurretik.
Landa 16 segundora sartu da, Burgosko Itzulia bigarrenez irabazteko alde zabalarekin. Lehenengoa, duela lau urte irabazi zuen.
Johan Jacobs (Movistar), Patrick Gamper (Bora), Lilian Calmejane (AG2R) eta Winner Anacona (Arkea) txirrindulariek eguneko lehen ihesaldia sortu dute, baina 39. kilometroan tropel nagusiak harrapatu egin ditu.
Ondoren, Álvaro Cuadros (Caja Rural), Mikel Bizkarra (Euskaltel), Lawson Craddock (EF Education), Gonzalo Serrano (Movistar), Marcus Burghardt Bora) eta Sep Vanmarcke (Israel) lasterketa buruan jarri dira, Carlos Canal (Burgos BH) atzetik zutela, eta 4:50eko aldea ere uzan dute talde nagusiarekin bi mendate igo aurretik.
Erasoak eta azken igoera
Quintanar de la Sierrara iritsi direnean hasi dira benetako erasoak. Mark Padun (Bahrein) izan da lehena ihes egiten, eta berarekin 10 txirrindularik osatutako talde bat, tartean Mikel Landa eta Buitrago taldekidea, Rubio eta Bernal kolonbiarrak eta Carthy zeuden. Ingelesak azken metroetan erasoa jo du eta berak eraman du etapa garaipena.
Atzetik, Bardetek lanak izan ditu azken igoera horretan eta hainbat txirrindularik aurrea hartu diote sailkapen nagusiko orduko liderrari. Azkenean, lidergo hori galdu du, Mikel Landaren mesederako.
5. ETAPAKO SAILKAPENA:
1 - CARTHY Hugh (EF) 3:23:53
2 - RUBIO Einer Augusto (Movistar) +0:05
3 - YATES Simon (BikeExchange) +0:07
4 - BERNAL Egan (INEOS) +0:13
5 - VINE Jay (Alpecin) +0:14
6 - LANDA Mikel (Bahrain) +0:16
7 - BUITRAGO Santiago (Bahrain) +0:29
8 - ARU Fabio (Team Qhubeka) +0:38
9 - PADUN Mark (Bahrain)+ 0:39
10 - BIZKARRA Mikel (Euskaltel - Euskadi) +0:44
34 - BARDET Romain (DSM) +1:54
SAILKAPEN NAGUSIA, AZKEN ETAPAREN OSTEAN:
1 - LANDA Mikel (Bahrain) 18:30:00
2 - ARU Fabio (Team Qhubeka) +0:36
3 - PADUN Mark (Bahrain) +0:43
4 - SIVAKOV Pavel (INEOS) +0:49
5 - DE LA CRUZ David (UAE) +0:52
6 - BARDET Romain (Team DSM) +0:54
7 - RUBIO Einer Augusto (Movistar) +0:58
8 - BUITRAGO Santiago (Bahrain) +1:09
9 - BOUCHARD Geoffrey (AG2R) +1:22
10 - REICHENBACH Sébastien (Groupama) +1:40
Zure interesekoa izan daiteke
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.
Pogacar, txirrindularitzako munduko txapeldun bigarrenez jarraian
Esloveniarrak 6 ordu, 21 minutu eta 20 segundoko denborarekin amaitu du lasterketa, batez beste 42,089 km/h-ko abiaduran, eta 1 minutu eta 28 segundora helmugaratu da Remco Evenepoel.
Magdeleine Vallieres kanadarrak irabazi du urrezko domina munduko txapelketan, ezustekoa emanda
Kanadako txirrindularia iheskideei aurrea hartuta helmugaratu da. Niamh Fisher-Black zeelandaberritarra eta Mavi Garcia espainiarra izan dira bigarrena eta hirugarrena, hurrenez hurren.
Paula Ostiz, munduko txapelduna junior mailan
Iruñeko txirrindularia nagusitasunez gailendu da Kigaliko helmugan, eta gaur urrezko domina lortuta, aste historikoa biribildu du, astearteko erlojupekoan zilarra bereganatu baitzuen.
Marlen Reuserrek eta Remco Evenepoelek irabazi dute erlojupekoa 2025eko Munduko Txapelketan
Txirrindulari suitzarrak eta ziklista belgikarrak urrezko domina eskuratu dute elite mailan, Ruandan jokatzen ari den Munduko Txapelketan. Anna van der Breggen eta Demi Vollering igo dira podiuma osatzera emakumezkoetan, eta Jay Vine eta Ilan Van Wilder gizonezkoetan.
McNulty estatubatuarrak irabazi du Poloniako Tourra, eta Pello Bilbao bederatzigarren sailkatu da
McNultyk lidergoa lortu du azken erlojupekoan gailenduta. Pello Bilbao 20. izan da azken etapan, irabazlearengandik 45 segundora, eta bederatzigarren amaitu du sailkapen nagusian.
Isaac Del Torok irabazi du Burgosko Itzulia, eta Cicconek Neilako etapa handia
Mexikarrak buelta eman dio Leo Bisiaux ordura arteko liderrak zuen 26 segundoko aldeari. Sailkapen nagusian, Urko Berrade nafarra hamargarren izan da.