Vingegaard, Alaphilippe eta Mikel Landa Donostiako Klasikoan izango dira
Jonas Vingegaard Frantziako Tourreko bigarren sailkatua Donostiako Klasikoan izango da, Mikel Landarekin eta Bauke Mollema eta Julian Alaphilippe 2016ko eta 2018ko edizioetako irabazleekin batera.
Lasterketa uztailaren 31an izango da eta ETBk eta eitb.eus-ek zuzenean emango dute. Goi mailako partaidetza izango du. Hala ere, Alejandro Valverde Klasikoa bi aldiz irabazi duen txirrindularia ez da egongo, Tokioko Olinpiar Jokoetan dagoelako, ezta Remco Evenepoel 2019ko irabazlea ere. 2020an ez zen irabazlerik egon, lasterketa pandemiaren ondorioz bertan behera utzi zutelako.
Parte-hartzaile batzuen izenak ostiral honetako aurkezpen ekitaldian aipatu dituzte, Donostiako Udaletxean. Bertan bildu dira lasterketako babesleak, eta udal, foru eta Jaurlaritzako ordezkariak.
Nazioarteko txirrindularitzako maila gorenean dagoen lasterketak UCI World Tourreko 19 taldeak bilduko ditu, eta beste sei talde antolatzaileen gonbidapenei esker arituko dira.
Superman Lopez Movistar taldeko liderra eta Simon Yates ere irteeran izatea espero da. Ibilbidea gogorra izango dute, sei mendaterekin, baina azken ediziokoa baino bi kilometro laburragoa, azken jaitsieran txirrindularien segurtasuna bermatzeko.
Lucy Kennedyk 2019ko txapela defendatuko du
Emakumezkoen lasterketa ere antolatu dute, 2020an bertan behera geratu ostean. Lucy Kennedy da faborito nagusia, duela bi urteko edizioa irabazi ostean.
Kennedyrekin batera izango dira Ellen Van Dijk eta Ane Santesteban. Donostiarra kondo baino hobeto ezagutzen lau mendate dituen ibilbidea.
BLOGERAKO
Zure interesekoa izan daiteke
Juan Ayusok Paris-Niza utzi behar izan du, eroriko batengatik, lasterketako lider zebilela
Lidl-Trekeko txirrindularia laugarren etapa amaitzeko 47 kilometro gelditzen zirela jausi da, asteazkenean, eta proba utzi du; maillot horia zeraman, hirugarren etapan lortu baitzuen.
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.