Jasper Stuyven belgikarrak ezustean harrapatu ditu faboritoak Milan-Sanremon
Jasper Stuyven (Trek-Segafredo) txirrindulari belgikarrak irabazi du larunbat honetan jokatu den Milan-Sanremo klasikoaren 112. edizioa, txirrindularitzako 'monumentuetako' lehena, 299 kilometro. Belgikarrak ezustean harrapatu ditu 'La Classicissima' lasterketa bereganatzeko faborito nagusiak azken eraso zoragarri batean.
Lovainakoak (28 urte) Poggioko jaitsieran egin du jauzi garaipenerako hautagaien artetik metro batzuk irabazi ditu. Haren jazarpenean gogor saiatu diren arren, Stuyvenek eutsi egin dio, eta bere izena Milango klasikoaren irabazleen artean sartzea lortu du, Wourt van Aert (Jumbo-Visma) bere herrikideari lekukoa hartuta.
Podiuma Caleb Ewan australiarrak (Lotto Soudal) eta Van Aertek berak osatu dute, Peter Sagan (BORA-hansgrohe) eslovakiarrak eta Mathieu van der Poel (Alpecin-Fenix) herbeheretarrak izan dira lasterketako lehen 5 postuetan amaitu dutenak. Haiengandik gertu amaitu du Alex Aranburu gipuzkoarrak (Astana-Premier Tech), zazpigarren tokian.
Historiako hirugarren ekitaldi azkarrenean, esprinterrek nahi zuten bezala joan da lasterketa. Egunean zehar zortzi kideko ihesaldi bat izan den arren, ia hasieratik bertatik eratu dena, Cipressako igoeran harrapatu ditu tropelak, helmugarako 30 kilometro baino gutxiago falta zirenean. Hortik aurrera beste lasterketa bat hasi da.
Ineos Grenadiers tropelaren buru zela, hainbat txirrindulari atzean geratzen hasi dira, eta 6,5 kilometroren falta, hau da, Poggio di Sanremoko igoeran, piztu da azken sua: Julian Alaphilippek (Deceuninck-Quick STEP) erasoa jo du, Van Aertek erantzun dio lehenik, eta Van der Poelek eta gainerakoek ondoren.
Faboritoak elkar zaintzan zebiltzala baliatuta, Stuyvenek erritmoa aldatu eta Via Romako helmugarantz abiatu da bakarka, eta hala igaro du helmugako lerroa, indarrez erabat hustuta.
Zure interesekoa izan daiteke
Laboral Kutxa-Euskadi eta Caja Rural-Seguros RGA taldeek 2026ko Flèche Wallonne eta Lieja-Bastogne-Lieja lasterketetan parte hartuko dute
Euskal taldeek Ardeetako Trilogia osatzen duten bigarren eta hirugarren klasikoetan parte hartzeko gonbidapena jaso dute. Gainera, Kern Pharmak ere gizonezkoen Lieja-Bastogne-Lieja lasterketan parte hartuko du.
Mikel Landa eta Euskaltel-Euskadi, Caja Rural-Seguros RGA eta Kern Pharma taldeak 2026ko Kataluniako itzulian egonen dira
Lasterketa martxoaren 23tik 29ra jokatuko dute. Bertan, besteak beste, Jonas Vingegaard, Remco Evenepoel, Joao Almeida, Florian Lipowitz eta Tom Pidcock ere egonen dira.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Mikel Landa eta Pello Bilbao Jaen Paraiso Interior Klasikoan izango dira, otsailaren 16an
Bi euskal txirrindulariek 169 kilometrotan asfaltoa eta landa zatiak uztartzen dituen lasterketan parte hartuko dute.
Irati Aranguren eta Aitor Hernandez, Euskadiko ziklo-kros txapeldun
Euskadiko ziklo-kros txapelketa eta Segurako bosgarren ziklo-kros saria jokatu dira igande honetan. Emakumezkoetan, Irati Aranguren izan da nagusi Segurako lokatzetan. 18 urteko usurbildarra profesionaletan arituko da datorren urtean Laboral Kutxa Euskadi taldean. Gizonezkoetan, Ismael Esteban kantabriarrak irabazi du Segurako ziklo-kros saria. Euskadiko txapela, berriz, bigarren izan den Aitor Hernandez ermuarrarentzat izan da.
Itzulia Basque Country 2026 apirilaren 6tik 11ra jokatuko da, eta Donostiako Klasikoa, abuztuaren 1ean
Gainera, Euskal Herriko errepideek Itzulia Women maiatzaren 15etik 17ra hartuko dute.
Pogacarrek historia egin du bosgarrenez jarraian Il Lombardia irabazita
Esloveniako txirrindulariak bosgarren garaipena jarraian lortu du larunbat honetan Il Lombardian, txirrindularitzaren historian mugarri berri bat sinatuz.
Usoa Ostolazak bigarren amaitu du Andaluziako Itzulian
Zarauzko txirrindulariak lehia gogorra izan du Cat Ferguson (Movistar) britainiarrarekin, baina azken horrek lortu du garaipena.
Pogacarrek Europako errepideko txapelketa irabazi du, beste erakustaldi batekin
Esloveniarrak 4 ordu, 59 minutu eta 29 segundoko denborarekin amaitu du lasterketa, batez beste 40,57 km/h-ko abiaduran, eta 30 segundoko aldea atera dio Evenepoeli eta 3.41ekoa Seixasi.