Dennis da erlojupeko munduko txapeldun berria; Castroviejok seigarren egin du
Rohan Dennisek irabazi du Innsbrucken (Austria) jokatu den Txirrindularitzako Munduko Txapelketako erlojuaren kontrako proba. Adituek Dennis eta Tom Dumoulin jartzen zituzten faborito nagusi gisa, eta aurreikuspenak bete egin dira, eurak lortu baitituzte lehen eta bigarren postuak. Horrenbestez, australiarrak ostadar elastikoa kendu dio herbeheretarrari. Bere aldetik, Jonathan Castroviejo bizkaitarra seigarren postuan sailkatu da.
Dennisek izugarrizko lasterketa bete du 52,5 kilometroko ibilbide zailean zehar. Probaren erdian (30. kilometroan) % 7ko batez bestekoa zeukan bost kilometroko igoerari aurre egin behar izan diote parte-hartzaileek. Australiarrak 1:03:03ko denbora behar izan du helmugara heltzeko, eta ez du garaipena estu jarri dion inongo areriorik izan (1:21eko aldea atera dio Dumoulini).
Dumoulin, bere aldetik, bigarren postua galtzeko zorian egon da Victor Campenaerts belgikarraren mesedetan, baina, azkenerako, 53 ehuneneko atera dizkio 2017 eta 2018ko Europako Erlojupeko Txapeldunari.
Esan legez, Dumoulinek zein Campenaertsek irabazleak baino minutu bat eta hogeita bat segundo gehiago behar izan dute helmugara ailegatzeko. Dennisek Vasil Kiriyenka (urrea lortu zuen 2015ean) edota Castroviejo (brontzea eskuratu zuen 2016an) bikoiztu ditu bere jardunean zehar.
Castroviejo, seigarren
Castroviejo algortarrak seigarren denborarik onena egin du. Podiumetik minutu bat baino gutxiagora geratu da, eta laugarren eta bosgarren izan diren Michal Kwitakowski poloniarra eta Nelson Oliveira portugaldarra oso gertu izan ditu (13 eta 3 segundo besterik ez dizkiote atera, hurrenez hurren).
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.
2026eko Paris-Niza, zuzenean, EITBn, igandetik aurrera
Course au Soleil (Eguzkiaren Lasterketa) Acheresetik, lasterketa lehen aldiz hartuko duen hiritik, abiatuko da eta astebete geroago iritsiko da Nizara. Lasterketa zuzenean jarraitu ahal izango da ETB1en eta kirolakeitb.eusen 15:30etik aurrera.