Euskal Herriko Itzuliaren azken etapa, gaur, zuzenean, EITBn
Apirilaren 5etik 10era egingo da Itzulia Basque Country 2021 txirrindularitza lasterketa, eta etapa guztiak zuzenean jarraitu ahal izango dira ETB1en, eitb.eus-en, Radio Euskadin eta Euskadi Irratian.
Arratsaldero, lasterketaren kontakizuna egingo dute, 15:00etan hasita, Fermin Aramendik eta Xabier Usabiagak, eta errepidean gertatzen denaren berri emango du Alfontso Arroiok motorretik. ETB1en eta eitb.eus-en jarraitu ahal izango da emanaldia.
Radio Euskadin eta Euskadi Irratian emango dute lasterketaren berri. Hala, Radio Euskadin Alberto Negro, Cesar Perez, Dani Egaña, Joseba Beloki, Edu Garcia eta Asier Kareaga arituko dira mikrofonoan, eta Juan Gurrutxaga izango da moto-gidaria. Euskadi Irratian, berriz, Joxe Mari Apaolaza, Arritxu Iribar, Mikel Astarloza, Jon Altuna eta Eugenio Goikoetxea esatarien ahotsean jarraituko dugu lasterketa, eta Edu Arana izango da motoan gidari.
eitb.eus-ek, streaming bidezko emankizuna eskaintzeaz gain, Itzuliaren inguruko atari berezia dauka, lasterketaren inguruko informazio zabalarekin. Gainera, telebistako eta irratiko eduki guztiak erabiltzailearen eskura jarriko ditu. Leire Etxazarra kazetaria izango da horren arduraduna.
Bilbon abiatuko da Itzulia, eta hilaren 10ean, berriz, Arraten bukatu, 797,6 km bete ostean. Hala, aurtengo edizioa hasteko, erlojupekoa izango da Bilbon, 13,9 kilometrokoa. Bigarren etapak (154,8 km) Zallan izango du abiapuntu eta Sestaon bukaera. Hirugarren jardunaldian iazko proposamenari helduko diote, Amurrion hasi eta Laudioko Ermualde mendatean bukatuko baita.
Etaparik luzeenak, 189,1 kilometrokoak, Gasteiz eta Hondarribia lotuko ditu.
Hondarribian hasiko da bosgarren etapa, eta Gipuzkoako kostaldea zeharkatuko du Ondarroara heltzeko. Txirrindulariek hiru mendate gaindituko beharko dituzte helmugara heldu baino lehen.
Seigarren eta azken etapak Ondarroa eta Arrate lotuko ditu, 111,9 kilometroko ibilbidearekin, eta zazpi mendate puntuagarri izango ditu.
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.