Girmayk maisuki bereganatu du bere bigarren etapa Frantziako Tourrean
Biniam Girmayk (Wanty) irabazi du 8. etapa, esprintean, eta dagoeneko bere bigarren garaipena eskuratu du Frantziako Tourrean. Txirrindulari eritrearrak erakutsi du sasoi betean dagoela, eta bera izan da azkarrena azken kilometroan, errepideak gorantz egin duen tartean. Jasper Philipsen (Alpecin) izan da bigarrena, eta Arnaud De Lie (Lotto), berriz, hirugarrena.
Eguneko ihesaldian, Jonas Abrahamsen (Uno-X) mendiko liderra izan da protagonista nagusia: 169 kilometro egin ditu ihesean, horietako 140, bakarka. Alabaina, helmugarako 14 kilometro falta zirenean irentsi du tropelak.
Helmugatik bi kilometro eta erdira, ezustekoa izan da tropelean, eta hainbat txirrindularik belartzatik jo behar izan dute aurrera, erorikoa saihesteko. Gertakari horren ostean abiatu da esprinta, eta Girmayk bere bigarren garaipena lortu du, Jasper Philipsen eta Arnaud De Lie mendean hartuta. Turinen lortu zuen bere lehen garaipena Tourrean.
Bestalde, Alex Aranburu (Movistar) gipuzkoarra bederatzigarren sailkatu da, Remco Evenepoelen (Soudal) aurretik.
Sailkapen nagusian ez da aldaketarik izan, eta Tadej Pogacarrek lidertzari eusten dio. Evenepoel da bigarren, eta Jonas Vingegaard hirugarren.
ETAPAKO SAILKAPENA
1. GIRMAY Biniam (Wanty) 4:04:50
2. PHILIPSEN Jasper (Alpecin) d.b.
3. DE LIE Arnaud (Lotto) d.b.
4. ACKERMANN Pascal (Israel) d.b.
5. VAN DEN BERG Marijn (EF Education) d.b.
6. GIBBONS Ryan (Lidl-Trek) d.b.
7. TURGIS Anthony (TotalEnergies) d.b.
8. WRIGHT Fred (Bahrain) d.b.
9. ARANBURU Alex (Movistar) d.b.
10. EVENEPOEL Remco (Soudal) d.b.
SAILKAPEN NAGUSIA
1. POGACAR Tadej (UAE) 31:21:13
2. EVENEPOEL Remco (Soudal) +0:33
3. VINGEGAARD Jonas (Visma) +1:15
4. ROGLIC Primož (BORA) +1:36
5. AYUSO Juan (UAE) +2:16
6. ALMEIDA João (UAE) +2:17
7. RODRÍGUEZ Carlos (INEOS) +2:31
8. LANDA Mikel (Soudal) +3:35
9. JORGENSON Matteo (Visma) +4:03
10. VLASOV Aleksandr (BORA) +4:36
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.