Frantziako Tourraren 18. etaparen profila eta ibilbidea: Moûtiers – Bourg-en-Bresse (184,9 km)
Bezperako jardunaldi menditsuak markatuta dator uztailaren 20an jokatuko den 2023ko Frantziako Tourraren 18. etapa. Halaber, oraindik tropelean bizirauten duten esprinterren azken aukeretako bat izan zen atzokoa. 184,9 kilometroko ibilbidea Moutiersen hasi eta Bourg-en-Bressen amaituko da.
Profila ia erabat laua den arren, pare bat zailtasun ditu bidean, helmugatik urrun: La Cote de Chambery-le-Haut (1,6 kilometro eta % 4,1eko batez besteko maldekin), eta Cote de Boisseu (2,4 kilometroko igoera du eta % 4,7ko aldapak, batez beste). Ondoren, txirrindulariek beste 80 kilometro egin beharko dituzte etapa amaitzeko.
Podiuma ia erabakita dago, atzoko etapan Pogacarren ia bost minutu galdu baitzituen Vingegaarden aurrean. Jasper Philipsen da gaurko garaipenerako faboritoetako bat, edizio honetako bost esprintetatik lautan nagusi izan baita. Mads Pedersen, Dylan Groenewegen, Biniam Grimay edota Bryan Coquard txirrindulariak izango ditu arerio borroka horretan. Etapako garaipenaren lehian egongo ez dena Wout van Aert izango da, lasterketa uztea erabaki baitu, bere emaztearen erditzean egon dadin.
Bourg-en-Bressen bukatuko dute, Tourreko historian hirugarren aldiz. Aurreko bietan, bi abiadura-lasterkarik irabazi zuten: Thor Hushvodek 2002an eta Tom Boonenek 2007an.
Etapa zuzenean jarraitu ahal izango da, EITBn: 14:50ean eitb.eus-en, eta 15:15ean, ETB1en.
17. etapako profila | 19. etapako profila
ETAPAREN PROFILA
FITXA TEKNIKOA:
Etapa: 18. etapa (osteguna, uztailak 20)
Ibilbidea: Moutiers – Bourg-en-Bresse
Distantzia: 184,9 km
Irteera ordutegia: 13:35
Iritsiera ordutegia: 17:31 (47 km/h) | 17:42 (45 km/h) | 17:53 (43 km/h).
Mendiko saria: Cote de Chambery-le-Haut (4. maila), 62,1. kilometroan; Cote de Boissieu (4. maila), 105,2. kilometroan.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.