Van Aertek irabazi du Tourreko zortzigarren etapa eta Pogacarrek lau segundoko gainsaria jaso du
Wout van Aertek (Jumbo Visma) irabazi du Frantziako Tourreko 8. etapa, larunbat honetan (uztailak 9) Dole eta Lausanne artean egin dena, 186 kilometroko ibilbidearekin. Tadej Pogacar (UAE Emirates) liderrak abantaila handitu du aurkari zuzenekiko, helmugan lau segundoko gainsaria hartuta.
Van Aertek bere bigarren etapa garaipena lortu du aurtengo Tourrean, Calaisen irabazle izan baitzen beste hiru etapatan bigarren izan ostean. Belgikarra faboritoen arteko esprintean nagusitu da, Michael Matthews (BikeExchange) eta Tadej Pogacar (UAE Emirates) gaindituta.
Cattaneo, Wrigth eta Frison izan dira eguneko ihesaldiko protagonistak. Etapako lehen kilometroetan erorikoa egon da tropelean; besteak beste, lurrera joan dira Pogacar, Thomas, Roglic, Enric Mas, Nairo Quintana, Daniel Martinez eta Bardet. Hauek guztiek lasterketan jarraitu ahal izan dute, eta tropelarekin bat egin dute euren taldeen laguntzarekin. Erori egin diren Vermarke eta Gianni Moscon txirrindulariek Tourra utzi behar izan dute.
Ihesaldia etapako azken kilometroetan hautsi da. Wright bakarrik geratu da lasterketa buruan, baina tropelak harrapatu egin du helmugarako 3,6 kilometro falta zirenean. Azken maldan faboritoen arteko lehia ikusi ahal izan da, eta, hor Van Aert izan da onena.
Sailkapen nagusiko lehen postun jarraitzen du Pogacarrek; esloveniarrak 39 segundo ateratzen dizkio bigarren den Jonas Vingegaardi (Jumbo Visma). Geraint Thomas (Ineos Grenadiers) da hirugarren postuan, liderrarekiko 1'14"ra.
8. ETAPAKO SAILKAPENA:
1 - VAN AERT Wout (Jumbo-Visma) 4:13:06
2 - MATTHEWS Michael (BikeExchange) d. b.
3 - POGACAR Tadej (UAE) d. b.
4 - KRON Andreas (Lotto) d. b.
5 - BETTIOL Alberto (EF Education) d. b.
6 - VLASOV Aleksandr (BORA) d. b.
7 - THOMAS Benjamin (Cofidis) d. b.
8 - VINGEGAARD Jonas (Jumbo-Visma) d. b.
9 - JUNGELS Bob (AG2R) d. b.
10 - PIDCOCK Thomas (INEOS) d. b.
SAILKAPEN NAGUSIA:
1 - POGACAR Tadej (UAE) 24:43:14
2 - VINGEGAARD Jonas (Jumbo) +0:39
3 - THOMAS Geraint (INEOS) +1:14
4 - YATES Adam (INEOS) +1:22
5 - GAUDU David (Groupama) +1:35
6 - BARDET Romain (DSM) +1:36
7 - PIDCOCK Thomas (INEOS) +1:39
8 - POWLESS Neilson (EF) +1:41
9 - MAS Enric (Movistar) +1:47
10 - MARTINEZ Daniel Felipe (INEOS) +1:59
Zure interesekoa izan daiteke
2026ko Frantziako Tourreko podiuma
Txirrindulariak Frantziako Tourreko podiumera igo dira, elastikoak jasotzera.
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.