2023ko Frantziako Tourreko euskal etapen ibilbideak eta profilak
2023ko Frantziako Tourra Euskal Herritik abiatuko da uztailaren 1ean, eta hiru etapa egingo dira euskal errepideetatik. Urtarrilaren 26 honetan, Tourraren 110. edizioaren lehen hiru etapei buruzko xehetasunak eman dituzte Gasteizen egin den aurkezpen ekitaldian.
Christian Prudhomme Frantziako Tourreko zuzendaria Gasteizen egon da, Iñigo Urkullu lehendakariarekin eta euskal erakundeetako beste hainbat agintarirekin batera. Txirrindularitza eta kirol munduko hainbat pertsona ere gerturatu dira aurkezpen ekitaldira.
Bilbok hartuko du 2023ko Tourreko lehen etapa uztailaren 1ean. Bizkaiko hiriburuan hasi eta amaituko da 110. edizioaren estreinako etapa. Txirrindulariek 185 kilometroko ibilbidea gainditu beharko dute. Bost mendate txiki izango dira ibilbidean; Laukiz, Gaztelugatxe, Morga, Vivero eta Pike Bidea, besteak beste. Tropela birritan pasako da Gernika-Lumotik, Urdaibai Biosfera Erreserbatik ere igaroko da, eta helmuga Udaletxearen ondoan egongo da kokatuta. Guztira, 3.320 metroko desnibela izango du, Frantziako Tourraren historian lehen etapa batek izan duen handiena.
Bigarren etapa Gasteizen hasi eta Donostian amaituko da, uztailaren 2an. Etapak 210 kilometroko ibilbidea izango du, eta, helmugatik 20 kilometrora Jaizkibel mendatea igoko dute txirrindulariek. Lehenago, Udana, Aztiria, Alkiza eta Gurutze mendateetatik pasako dira parte-hartzaileak.
Uztailaren 3an, hirugarren etapa, Zornotzan (Bizkaia) hasiko da eta Baionan (Lapurdi) izango du helmuga. Etapa honetan, txirrindulariek 80 kilometro egingo dituzte euskal kostaldetik. Bizkaian hasi, Gipuzkoa zeharkatu, eta Lapurdin (Iparralde) sartuko da lasterketa. Tourrak ez du jakitera eman hirugarren etapa horren amaieraren zehaztasunik.
1. ETAPAKO IBILBIDEA
2023ko Frantziako Tourreko 1. etapako ibilbidea. Argazkia: Frantziako Tourra
1. ETAPAKO PROFILA
2. ETAPAKO IBILBIDEA
2023ko Frantziako Tourreko 2. etapako ibilbidea. Argazkia: Frantziako Tourra
2. ETAPAKO PROFILA
3. ETAPAKO IBILBIDEA
3. ETAPAKO PROFILA
Zure interesekoa izan daiteke
Aranburu eta Azparrenen adierazpenak, Frantziako Tourra amaitu berritan
Alex Aranburu eta Xabier Mikel Azparrenekin izan gara, Frantziako Tourreko azken etapa bukatu ondoren. Lasterketa ondo joan dela adierazi dute, eta haien esperientzia kontatu digute.
Frantziako Tourreko 21. etapako unerik onenak
2026ko Frantziako Tourreko azken etapak une ikusgarriak utzi ditu. Montmartren egin dituzten hiru igoeretan faboritoen arteko lehia estua egon da, Pogacarren eta Van der Poelen artean bereziki. Etapako irabazlea azken metroetako esprint estuan erabaki da.
Van Der Poelek irabazi du azken etapa eta Pogacarrek Tourra
Alpecin taldeko txirrindulariak erasoa jo du Montmartreko azken igoeran, Tadej Pogacarrekin batera, eta helmugatik metro gutxira indarrik gabe geratuko zela zirudien arren, berak eskuratu du garaipena. Philipsen taldekidea eta Pedersen helmugaratu dira ondoren.
Nolakoa izan da euskal txirrindularien jarduna Tourrean?
Ion Izagirre, Alex Aranburu eta Xabier Mikel Azparren txirrindulariek parte hartu dute Frantziako Tourraren 2026ko edizioan. Hiru astez munduko lasterketa garrantzitsuenean lehiatu ostean, euskal ordezkariek euren taldearen estrategiaren barruan egokitu zaien lana betez osatu dute itzuli handia.
Frantziako Tourrak 44 kilometro laburtu du azken etapa, suteengatik
Azken etaparen ibilbidea 133 kilometrotik 89ra murriztu dute, Frantziako hainbat eremutan izandako sute larrien ondorioz gaurko etapa zaindu behar zuten jendarme asko kaltetutako eremuetara bideratu behar izan dituztelako.
Carapazen eta Kussen arteko borrokaren une onenak, Tourreko 20. etaparen amaieran
AEBkoak abantaila hartu du etapa amaitzeko 24 kilometro falta zirenean, baina Ekuadorko txirrindulariak ez du etsi, eta azkenean saria lortu du, Kuss birritan erori ostean, harrapatu, gainditu eta etapa irabazi baitu.
Carapaz Alpe d'Huezen nagusitu da Kuss menderatuta, eta mendiko elastikoa ziurtatu du
Txirrindulari ekuadortarrak Frantziako Tourreko etapa nagusia irabazi du, estatubatuarrarekin lehia estua izan ostean. Kuss lurrera erori da azken txanpan, eta EF taldeko txirrindulariak bakarkako bideari ekin dio Alpeetako tontor mitikoan garaipen bikaina lortu eta mota gorridun elastikoa ziurtatzeko.
Euskal ordezkariak, World Tourreko taldeetako “staff” teknikoetan
Ezinbesteko lana egiten dute, txirrindulariek lasterketetan erakustaldi ederrak egin ahal izateko. “On Tour” saioan, Alpe d’Huezko etapa amaitutakoan, Xabier Usabiagak omenaldia egin nahi izan die.
Pogacarrek historia egin du Alpe d’Huezen: helmugatik 12 kilometrora jo du erasoa, atzean utzi ditu iheslariak, eta etapa irabazi du, Pantaniren marka hautsita
Frantziako Tourreko liderra ikusgarri ibili da mendate mitikoan: helmugarako 11,8 kilometro falta zirenean egin du aurrera, lasterketaren buruan zihoazen iheslariak harrapatu ditu, eta Carapaz, Lenny Martinez eta Kuss azken kilometroan gaindituta nagusitu da, Alpe d'Huez 35 minutu eta 26 segundoan igota, bide batez, Marco Pantaniren errekorra hausteko.
Pogacarrek Pantaniren marka ondu du Alpe d'Huezen Tourra erabakita uzteko
Helmugatik 11 kilometrora erasoa jo ostean, bakar-bakarrik zeharkatu du helmuga, Richard Carapazen eta Lenny Martinezen aurretik. 2026ko Frantziako Tourra erabakita uzteaz gain, esloveniarrak Marco Pantanik 1995ean ezarritako igoera marka historikoa hobetu du, aro modernoko erakustaldi handienetako bat eginez.