Pogacar eta Roglic faborito nagusi dira, errebantxa kutsua duen edizioan
2020ko edizioan Tadej Pogacarrek eta Primoz Roglicek azken erlojupekoan izandako lehia gogoan, 2021ko Tourra Bresten hasiko da, Fisterran, bi txirrindularien arteko errebantxa kutsuarekin.
Apustuetan esloveniarrak dira nagusia, baina biek ez dute onartzen aurtengo Tourra bien arteko lehia bakarrik izatea. Ineos taldeak Richard Carapaz eta Geraint Thomas dauzka faborito nagusiei gauzak zail jartzeko. Biek Parisko podiuma dute helburu, uztailaren 18an.
Ohi bezala, Frantziako Tourrak 21 etapa izango ditu, denetarikoak: erlojupeko bi saio, bigarrena azken aurreko egunean, hiru helmuga mendateen gainean, Mont Ventoux birritan igoko dute, eta Pirinioetan erabakigarriak izango diren bi etapa.
Hain zuzen, lasterketa Pirinioetan erabakitzea aurreikusten da, azken aurreko eguneko erlojuaren kontrakoarekin batera. Iaz, gainera, eta aurrekari gisa, Lureko erlojupekoan kendu zion Pogacarrek Roglici maillot horia.
Lehen erlojupekoa bosgarren etapan jokatuko dute, 27 kilometro izango ditu eta lehen diferentziak sortu daitezke. Ondoren, mendebaldera joko dute, trantsiziozko bi etapekin, horietako bigarrena azken 20 urteetako luzeena, 248 kilometroko ibilbidearekin.
Zortzigarren etapan Alpeetan sartuko dira, La Colombiére igoko dute, eta hurrengo eguneko etapan helmuga Tignesen izango dute. Horixe izango da faborito nagusientzako lehen azterketa. Ondoren, atseden eguna izango dute.
Pirinioen atarian, esprinterrek bi aukera izango dituzte. Pirinioetan Andorratik sartuko dira, Envalira aurtengo edizioko mendaterik altuena igota (2.408 metro).
Azken txanpa
Mendiko etapa batek emango dio hasiera Pirinioetako jardunaldi nagusiei: lehenengoan Peyresourde eta Val Louron igoko dituzte, eta helmuga Porteten egongo da. Bigarrenean Tourmalet eta Luz Ardiden igo beharko dituzte, azken hori 2011an igo zuten azken aldiz.
Tourra aurretik erabakita ez badago, bigarren erlojupekoa izango dute, 30,7 kilometrokoa, aldeak handitu eta podiuma zehazteko.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.