Froomek Tourra korrituko du, baina ez da taldeburua izango
Frantziako Tourra lau aldiz irabazi duen Chris Froome britainiarrak (Israel Start-Up) ekainaren 26an hasiko den hurrengo ekitaldian parte hartuko du. Era horretan, ukatu egin du Tourra ez zuela korrituko zioen zurrumurrua, aurtengo denboraldian lortutako emaitzak bere iraganeko mailatik urrun zeudela kontuan hartuta.
Horrela, bederatzigarren aldiz parte arituko da Froome Tourrean, baina oraingoan beste helburu batzuekin izango da bertan; izan ere, Kenyako jatorria duen txirrindulariak onartu duenez, ez da bere bosgarren titulua lortzeko lehiatuko, baizik eta sailkapen nagusiari begira jardungo duten beste taldekide batzuei, Michael Woods kanadarrari, esaterako, laguntzeko.
"Frantziako Tourretik kanpo bi urte eman ondoren, bertara itzultzeko irrikan nago. Oso bide zaila izan da 2019an Dauphinen erori nintzenetik, baina nire motibazio handienetako bat izan da (bueltatzea). Lan nekaezina egin dut honaino iristeko, eta lider gisa arituko ez banaiz ere, espero dut nire eskarmentua baliagarria izatea eta taldeari ahal dudan hobekien laguntzea, errepideko kapitain gisa. Lider ona dugu Michael Woodsekin, eta haren eta taldearen alde dena ematea espero dut", esan du Froomek.
Bestalde, Rik Verbrugghe Israelgo taldeko zuzendariak esan du Froomek duen eskarmentua garrantzitsua izango dela.
"Chris gure errepideko kapitaina izango da. Lasterketa lau aldiz irabazi du, eta bere eskarmentua ez da gutxietsi behar. Oso garrantzitsua izango da taldearentzat lasterketan zehar. Errendimenduaren ikuspegitik, Dauphineko Kriuteriumarekin alderatuta hobekuntza bat ikusiko dugula uste dut, eta Chrisek etapa bakoitzean hobera egitea espero dugu", esan du Israel Start-Up taldeko zuzendariak.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.