Tourraren, Giroaren eta Vueltaren datak iragarri ditu UCIk

Frantziako Tourra abuztuaren 29an hasiko da, Italiako Giroa urrian eta ondoren Espainiako Vuelta.

EITB

2020/04/15 - 15:19

Azken eguneratzea

2020/04/15 - 16:22

Txirrindularitzaren Nazioarteko Elkarteak (UCI) Frantziako Tourra COVID-19aren pandemiagatik bi hilabete atzeratuko dela ofiziala egin du.

Txirrindularitzaren munduko hainbat elkarte eta talde izan dira gaur egin den bileran eta bertan erabaki dute Frantziako Tourra abuztuaren 29an hasiko dela eta irailaren 20an amaitu.

Bide batez, Italiako Giroa urrian jokatuko dela esan dute eta ondoren Espainiako Vuelta.

Munduko Txapelketaren data ez da mugitu, hots, irailaren 20tik 27ra jokatuko da Aigle-Martignyn (Suitzan).

Oraindik datarik ez dute bost klasiko handiak, Milan-Sanremo (Italia), Flandriako Tourra (Belgika), Paris-Roubaix (Frantzia), Lieja-Bastogne-Lieja (Belgika) eta Lombardía (Italia).