La Planche des Belles Fillesek erlojupekoa hartuko du Parisera heldu baino lehen
Frantziako Tourreko ibilbideetan duela gutxi agertu bada ere, oso garrantzitsua bihurtu da La Plances des Belles Filles, eta 2020ko edizioan, gainera, erabakigarria izan daiteke, Parisera heldu baino egun bat lehenago jokatuko baita erlojuaren kontrako igoera gogor hori.
Datorren urteko edizioa beste urte batzuetan baino lehenago hasiko da, udan Tokion Olinpiar Jokoak egingo direnez lehenago bukatu behar delako lasterketa. Beraz, ekainaren 27an hasiko da 2020ko Tourra, Nizan.
2020koa Tour klasikoa izango da, ezusteko gutxikoa. Etapa lauak eta erdi-mendiko etapak izango dira lehen astean, bi jardunaldi jokatuko dira Pirinioetan, azken astean helduko dira Alpeak, eta La Planche des Belles Filles, azken-aurreko egunean.
Christian Prudhomme zuzendariak gaur emango du ibilbidearen berri, baina nobedade asko filtratu dira jada.
Lehenengo bi etapak Nizan jokatuko dira, gizon azkarrei zuzenduta bata eta erdi-mendiko jardunaldia bestea. Hortik Frantziako Erdialdeko Mendigunera abiatuko dira, eta, besteak beste, Tourrean inoiz igo ez duten Mont Aigoual mendatea igoko dute.
Bigarren astean, Pirinioak agertuko dira, eta bi etapa jokatuko dira bertan: Peyresourden amaituko da bata, Loudenviellen, hain zuzen ere, Aspet, Ares eta Beles igo ondoren, eta bestea Larunsen amaituko da, Tourmalet, Soulor eta Aubisque igaro eta gero.
Atlantikoko kostaldeko jardunaldietan, haizea izango da protagonista, Alpeetara heldu baino lehen. Etapa horien berri ez dute eman, baina Alpe d'Huez mitikoa igoko omen dute berriro.
Eta nobedaderik garrantzitsuena La Planche des Belles Filleseko etapa izango da, erlojuaren kontrako etapa, maldan gora, Parisko Eliseoko Zelaietara heldu baino egun bat lehenago.
Elastiko horia aurretik erabakita ez badago, hori izango da podiuma erabakitzeko azken aukera.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.