Igotzaileentzat aproposa den Tourra, baina faborito argirik gabe
Min hartuta dauden Chris Froome britainiarra eta Tom Dumoulin herbeheretarra ez dira 2019ko Tourrean izango, eta horrek inoiz baino gehiago ireki du aurtengo edizioa irabazteko aukerak dituzten txirrindularien zerrenda.
Dena dela, larunbat honetan Bruselan abiatuko den 106. edizioak bi izen nagusi ditu gainerakoen gainetik, biak ere Ineos taldekoak: batetik, joan zen urteko irabazlea izan zen Geraint Thomas galestarra, eta, bestetik, Egan Bernal kolonbiarra.
Bernalek begi asko ditu bere gain, Suitzako Itzulia bereganatu eta gero. 22 urteko gazteak historia egin dezake Kolonbiarentzat, Frantziako lasterketa irabaziko lukeen herrialde horretako lehen txirrindularia bihurtuko bailitzateke.
Nolanahi ere, 1 zenbakia Thomasentzat izango, bera baita egungo txapelduna eta Froomeren lekukoa hartu zuena. Alabaina, Suitzako Itzulian izandako erorikoak zalantza ugari piztu ditu bere errendimenduaren inguruan.
Erlojupeko kilometro gutxi eta mendi ugari dituen lasterketak (bost etapa amaituko dira gainaldean) aproposa da igotzaileek euren aukerak balia ditzaten eta gainerakoak erne egon daitezen.
Lehendabizikoen artean, Movistarreko bi txirrindulari ageri dira: lehendabizikoa, beste kolonbiar bat, Nairo Quintana, bi aldiz bigarren eta beste behin hirugarren izandakoa eta, bigarrena, Mikel Landa arabarra.
Tourra irabazteko aukerak izan ditzakete Vincenzo Nibali italiarrak ere (34 urte). Bera da hiru handiak irabazi dituzten zazpietako bat, eta bere joera erasokorrak zeresana emango du ziurrenik.
Etxekoen aldetik, frantziarrek gauza handiak espero dituzte Romain Bardet eta Thibaut Pinot herrikideengandik. Batak zein besteak gertu izan beharko lituzkete podiumeko postuak. Postu haietatik hurbil egon nahiko du aurten Dauphinen Criteriumean garaile izan den Jakob Fuglsang daniarrak ere, baina baita Adam Yates britainiarrak, Rigoberto Uran kolonbiarrak, Ilnur Zakarin errusiarrak, Richie Porte australiarrak eta Dan Martin irlandarrak ere.
Azkenik, Enric Mas espainiarrarentzat debuta izango da. 2018ko Espainiako Itzulian bigarren egin zuen mallorkarrak. Deceunincken ez du taldearen babes handiegirik edukiko, baina bere xedea lehen hamarren artean sartzea izango da.
Zure interesekoa izan daiteke
Pogacarrek historia egin du Alpe d’Huezen: amaierarako ia 12 kilometrora egin du erasoa, ihesaldiko guztiak atzean utzi ditu, eta, Pantaniren marka hautsita, etapa irabazi du
Frantziako Tourreko liderra ikusgarri ibili da mendate mitiko horretan: helmugarako 11,8 kilometro gelditzen zirela jo du aurrera, lasterketa buruan zihoazen gizonak harrapatu ditu, alegia, Carapaz, Lenny Martinez eta Kuss, azken kilometroan atzean utzi ditu, eta, 35:26 eginda, Marco Pantanik Alpe d’Huezen zuen errekorra hautsi du.
Pogacarrek Pantaniren errekorra hautsi du Alpe d 'Huezen Tourra erabakita uzteko
Eraso estratosferiko batekin, tontorretik 11 kilometrora, esloveniarrak bakar-bakarrik zeharkatu du helmuga Richard Carapazen eta Lenny Martinezen aurretik. 2026ko Frantziako Tourra erabakita uzteaz gain, maillot horiak Marco Pantanik 1995ean ezarritako igoera marka historikoa gainditu du, aro modernoko erakustaldi handienetako bat sinatuz.
Carapaz: “Berriro irabaztea asko kostatu zait"
Richard Carapaz ekuadortarrak, Frantziako Tourraren 18. etapako irabazleak, garaipen hau "asko kostatu" zaiola adierazi du, eta edizio honetan behin baino gehiagotan saiatu dela gogorarazi du.
Ion Izagirre: “Bagenekien egun zaila izango zela ihesaldia hartzeko”
Cofidis taldeko txirrindulariak egun gogorra izan dela gaurkoa adiarazi du. Ezin izan da ihesaldian sartu, baina bai atzerago joan den bigarren taldetxo batean. Hala ere, ezin izan dute ihesaldia harrapatu.
Tadej Pogacar, historia idazten ari den txirrindulariaren inperioa
Tadej Pogacarrek bere palmaresa bezain handi eta zabala den inperioa eraiki du azken urteetan. Txirrindularitzan historia egiten ari da esloveniarra, baina nola dabil diru kontuetan? Hona Xabier Usabiagak “On Tour” saioan azaldutakoa.
Orcières-Merletteko igoeraren azken metroak
Richard Carapazek (EF Education) irabazi du Frantziako Tourreko hemezortzigarren etapa. Helmugatik 3,5 kilometrora erasoa jo du ekuadortarrak eta bakar-bakarrik helmugaratu da Orcières-Merletten. Atzetik iritsi dira Mauro Schmid, bigarren, eta Matteo Jorgenson, hirugarren.
Carapaz izan da indartsuena eguneko ihesaldian, Orcieres-Merletteko igoeran eraso erabakigarria jota
EF Education - EasyPost taldeko eskalatzaile ekuadortarrak zuhur jokatu du azken kilometroetan, eta garaipena poltsikoratu du. Tourrean bigarren etapa garaipena du, Super Devoulyn irabazi eta bi urtera.
Kontrolak ordu txikitan egiteak polemika eta tropelaren haserrea eragin ditu Frantziako Tourrean
Tadej Pogacarrek eta Jonas Vingegaardek doping-kontrolak egin zituzten Tourreko 15. etaparen aurreko gauean. Kontrol horiek bi txirrindularien loa oztopatu zuten. Hain zuzen ere, etapa horretan Vingegaardek erorikoa izan eta lasterketa utzi behar izan zuen.
Ion Izagirre: “Tourreko egunik txarrena izan dut”
Ion Izagirrerekin egon gara Frantziako Tourreko 17. etapa amaieran, Voiron. Ormaiztegikoak azaldu du “egunik txarrena” izan duela gaur eta “tour gogorra” izaten ari dela.
Michael Woods, iraupen-kirolerako sen amaigabea
Michael Woods-en egitasmoa izan du gaur aztergai Xabier Usabiagak. Txirrindularitza profesionalean hasi aurretik, kanadarra atleta profesionala zen dagoeneko. Behin erretiratuta, ez dio kirola egiteari utzi, Triatloia, Gravela, Pierra Menta eta Mendi bizikletan jarraitzen du.