Albiste da:

Dumoulin nagusitu da Ezpeletan, eta Thomasek azken garaipena ziurtatu du

Chris Froome hirugarren izango da azkenean, Primoz Roglic gaindituta. Euskal txirrindularirik onena Jonathan Castroviejo izan da.

20180728173015_tom-dumoulin_ — Dumoulinek segundo bategatik irabazi du Ezpeletako erlojupekoa

AGENTZIAK | ERREDAKZIOA

2018/07/28 - 20:22

Azken eguneratzea

2018/07/28 - 20:22

Tom Dumoulin holandarra izan da azkarrena Frantziako Tourreko 20. etapan, Senpere eta Ezpeleta artean jokatutako 31 kilometroko erlojupekoan. Geraint Thomasek Tourra irabaztea ziurtatu du, hirugarren eginda.

Dumoulinek 40 minutu eta 52 segundoko denbora egin du, Chris Froomek baino segundo bat gutxiago. Hirugarren Geraint Thomas izan da. Mikel Landak 14. egin du, 3:11 galduta.

Horrela, Pariseko podiumean Geraint Thomas, Tom Dumoulin eta Chris Froome egongo dira. Landak zazpigarren amaituko du Tourra, 7:31ra.

Igandean 21. eta azken etapa jokatuko dute, Houilles eta Paris artean 116 kilometroko ibilbidea eginda.