Roglicek nagusitasunez irabazi du Alpeetako lehenengo borroka
Primoz Roglicek (Lotto NL-Jumbo) Frantziako Tourraren 17. etapa irabazi du, Serre Chevalierren bakarrik helmugaratuta. Eguna gogorra izan da, maila bereziko bi mendate (Croix de Fer eta Galibier), lehen mailako bat (Telegraphe) eta bigarreneko beste batekin (Col d'Omon).
Chris Froomek (Sky) lehenengo postua mantendu du, eta gainera hirugarren helmugaratuta, bonifikazioak lortu ditu. Rigoberto Uran (Cannondale-Drapac), bigarrena etapan, podiumean sartu da, Fabio Aruren (Astana) ordez.
Roglic Serge Pauwelsen (Dimension Data) eraso baten atzetik joan da Galibierren, eta bide batez, kategoria bereziko mendate batean lehenengoa izaten den aurreneko esloveniarra izan da. Jaitsieran aldea mantendu du, erlojuaren kontra erakustaldia emanda, eta Frantziako Tourrean etapa bat irabazten duen lehenengoa ere bikalatu da herrialde alpinoan.
Sailkapen orokorreko borrokan eguneko azken mendatearen (Col du Galibier, kategoria berezikoa) zatirik gogorrenean jarri da interesgarria. Kilometro asko lehenago, baina, Alberto Contador bakarrik joan da eta aurreko talde batean eman du ia etapa osoa. Sailkapenean galduta zituen 7 minutuak kontuan izanda, ez da arazoa izan liderrarentzat.
Dan Martinek erasoa jo du gainatik 6 kilometro eta erdira, eta tartetxoa ireki du. Hala ere, irlandarra harrapatu dute, eta gero, Bardetek taldetxoan erritmoa jartzen zuen bitartean, Arun ezin izan du eutsi, eta atzean geratu da. Erasoak izan dira igoeran, eta Contador ere harrapatu du faboritoen taldeak, urrutiko saiakerarekin bukatuz.
Jaitsieran, jakiteke zegoen Aruren taldeak zenbat denbora galduko zuen. Berarekin batera Meintjes eta Contador joan dira, eta Martinen laguntza izan du lanean, baina ez dituzte faboritoak harrapatu. Italiarrak denbora galdu duen arren, ez da iraultza handirik izan sailkapen orokorrean.
Puntukako sailkapenean, ordea, aldaketa nabarmenak izan dira. Marcel Kittelek berdez jantzita hasi du etapa, baina hasieran erorita, eta atzoko etapan eta gaurko tartekako esprintean bere alde zuen puntu aldea galduta, lasterketa utzi du. Michael Matthews da lider berria.
17. ETAPAKO SAILKAPENAK
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.