Landa: 'Nire taldeko bigarrena ez dut izan nahi berriro'
Frantziako Tourreko seigarren sailkatuak, Mikel Landak (Sky), hilaren 17ko atseden-egunean argi utzi du ez duela berriro bere taldeko bigarrena izan nahi, baina Chris Froome buruz buru bera baino gehiago dela onartu du, eta britainiarrak Tourra irabazteko bere lana eskura izango duela baieztatu du. Landa, bere aldetik, Parisko podiumean egoten saiatuko da.
Agintean dagoen liderra ez dabil taldekidea baino hobeto, eta, hori dela eta, Landak hausnarketa egin du etorkizunera begira. "Argi dut hau ezin dela berriro gertatu. Hemendik aurrera, gauzak argi izan behar ditut. Ez dut berriro nire taldeko bigarrena izan nahi, eta, hala balitz, nik nahita izan beharko luke', esan du murgiarrak, entrenatzen hasi aurretik.
2012an ere antzeko egoera izan zen, Froome eta Wigginsen artean, Sky taldean bertan. "Baliteke egoera antzekoa izatea; baina kontuan izan behar da Tour honetan Froomek, buruz buru, irabazi egingo lukeela nire kontra; izan ere, erlojupeko bat du, azken aurreko etapan. Taldekideak gara, ez arerioak', adierazi du.
Landak berak ere oso antzeko egoea bizi izan zuen 2015ean, Astana taldean zegoela, Italiako Giroan; Fabio Aru lider eta taldekideari lagundu behar izan zion, taldeak hala aginduta, eta arabarrak hirugarren amaitu zuen: "Bai, egia esan, nahiko antzekoa da. Badakit zertara etorri naizen Tourrera, eta hauxe dago. Astanan bizitakoa bezalakoa da, nolabait, baina orain Tourra dugu jokoan, ez bigarren postua".
Hala ere, Landaren ustez, "polita litzateke Skyrentzat Froomerekin irabaztea, eta ni Parisko podiumean egotea. Horretan gabiltza, pozik, eta lehen asteko sentsazio bera dut. Lantalde ona dago, eta guztion arteko harremana ere ona da".
"Ez diot hartzen Giroari hartzen diodan gauza bera"
Etorkizunari begira, eta bere asmoei dagokienez, Landak ez du argi Tour bat irabazteko aukera izango duen. Nahiago du hainbat alde aztertu iritzi bat eman aurretik: "Ez dakit nire helburua Frantziako Tourra den. Ez diot hartzen Giroari hartzen diodan gauza bera. Lasterketa desberdinak dira; arerioak ere, bestelakoak. Tour bat irabazteko aukera dudan jakiteko, profila ikusi behar da, aztertu, eta Giroa baino hobeto doakidan pentsatu. Orain ez dakit; ez da gauza bera irabaztera zein laguntzera etortzea".
Falta diren etapen artean, onena Izoardekoa izango da, Landaren iritzian, goian amaitzen baita. Hala ere, Galibierrekoa ere "interesgarria" izan liteke, azken kilometroak beherantz egingo baitituzte.
Bere etorkizunaz galdetuta, Landak esan du oraindik goiz dela erabakitzeko: "Tourrean ez dago astirik horrelakoetan pentsatzeko".
pentsatzeko".Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.