Peter Saganek garaipena lortu du Seraingen
Peter Sagan (Liquigas) Eslovakiako txirrindulariak garaipena lortu du gaur Tourreko aurreneko etapan. Lieja eta Seraing (Belgika) lotu ditu 198 kilometroko ibilbideak. Fabian Cancellara (Radioshack) suitzarra bigarren helmugaratu da eta lidergoa mantendu du.
Peter Saganek Cancellara eta Edvald Boasson Hagen (Sky) gainditu ditu esprintean. Azken metroetan eraso egin du Saganek. Alejandro Valverde (Movistar) seigarren sailkatu da.
Etapa ihesaldi luze batek markatu du. Ihesaldia laugarren kilometroan osatu dute sei txirrindularik: Pablo Urtasun (Euskaltel), Yohann Gene (Europcar), Maxime Bouet (Ag2r), Nicolas Edet (Cofidis), Anthony Delaplace (Saur) eta Michael Morkov (Saxo Bank).
Helmugarako hamar kilometro falta zirenean tropelak ihesaldia bertan behera utzi du. Cadel Evans Tourreko azken irabazlearen taldeak, BMCk, lan handia egin du ihesaldia indargabetzeko.
Etaparen azken tartean Cancellarak eraso egin eta Sagan eta Boasson Hagen gurpilean eraman ditu. Eslovakiako txirrindulariak erakustaldia eman du Seraingen.
Astelehen honetan bigarren etapa jokatuko da (Vise-Tournai). Lasterketa Belgikan izango da berriro, 207 kilometroko ibilbide laua.
Aurreneko etapako sailkapena:
1 Peter SAGAN LIQ 4:58:19
2 Fabian CANCELLARA RNT 0
3 Edvald BOASSON HAGEN SKY 0
4 Philippe GILBERT BMC 0
5 Bauke MOLLEMA RAB 0
6 Alejandro VALVERDE BELMONTE MOV 0
7 Robert GESINK RAB 0
8 Daniel MARTIN GRM 0
9 Ryder HESJEDAL GRM 0
10 Dries DEVENYNS OPQ 0
Sailkapen nagusia:
.1. Fabian Cancellara (SUI/RadioShack) 5h.05:32
.2. Bradley Wiggins (GBR/Sky) 07 segundora
.3. Sylvain Chavanel (FRA/Omega Pharma) d.b.
.4. Tejay van Garderen (USA/BMC) 10
.5. Edvald Boasson Hagen (NOR/Sky) 11
.6. Denis Menchov (RUS/Katusha) 13
.7. Philippe Gilbert (BEL/BM) d.b.
.8. Cadel Evans (AUS/BMC) 17
.9. Vincenzo Nibali (ITA/Liquigas) 18
10. Ryder Hesjedal (CAN/Garmin) d.b.
Zure interesekoa izan daiteke
Volleringek, Niewiadomak eta Longo Borghinik osatu dute Frantziako Tourreko podiuma
Azken etapa erakustaldi batekin bereganatu ostean, Demi Vollering (FDJ) herbeheretarra Frantziako Tourreko podiumaren gorenera igo da, Kasia Niewiadoma (CANYON) poloniarra igo da bigarrenera, eta Elisa Longo Borghini (UAE) italiarra, berriz, hirugarrenera. Bestalde, gazte onena Antonia Niedermaier (CANYON) alemaniarra izan da, mendiko maillota Puck Pieterse (Fenix) herbeheretarrak irabazi du eta Lorena Wiebes (SD Worx) herbeheretarrak jantzi du puntuen maillota.
Demi Volleringek Tourreko garaipena ziurtatu du azken etapa irabazita
FDJ-SUEZ taldeko txirrindulari herbeheretarrak bere indarra erakutsi du Col d'Èzeko azken igoeran, 9. etapa irabazi eta Frantziako Tourra erabakita uzteko, azkenean sailkapen nagusian bigarren sailkatu den Kasia Niewiadomaren (Canyon) aurretik. Elisa Longo Borghinik (UAE) osatu du podiuma, Marlen Reusser (Movistar) suitzarraren erorikoa baliatuta.
Volleringen erasoa eta Tourreko 9. etapako azken metroak
Demi Vollering (FDJ) herbeheretarrak irabazi du 2026ko Frantziako Tourra. Helmugarako 16 kilometroren faltan jo du erasoa, Kasia Niewiadoma (CANYON) aurkari zuzena atzean utzita. Ikusi hemen erasoa eta etapako azken metroak.
Volleringi Tourreko 8. etapan garaipena eman dion erasoa
Eguneko azken mendatea gainditu ostean, Demi Volleringek erasora jo du, garaipenaren bila. Longo Borghini eta Niewiadoma haren atzetik abiatu dira, baina ezin izan diote herbeheretarraren erritmoari eutsi eta amore eman behar izan dute. Vollering bakarrik sartu da helmugan, eta maillot horia eskuratu du.
Volleringek Tourra astindu du, maillot horia eman dion bakarkako garaipenarekin
Demi Volleringek igoera laburra baina oso gogorra aukeratu du eraso egiteko, inongo mailarik ez zuena.
Kasia Niewiadoma nagusitu da Mont Ventouxen, eta elastiko horia jantzi du
Canyon taldeko txirrindulari poloniarrak, 2024ko Tourreko irabazleak, erasoa jo du helmugatik 10 kilometrora, Marlen Reusser suitzarrari (Movistar) lidergoa kentzeko.
Frantziako Tourreko 7. etapako une garrantzitsuenak
Emakumezkoen Frantziako Tourreko zazpigarren etapak une garrantzitsuak utzi ditu lasterketarako, batez ere sailkapen nagusiari begira. Niewiadomak ikuskizuna eman du horiz janzteko, eta Volleringek irabazi du Reusserren aurkako duelua.
Kim Le Court-Pienaar, azkarrena zortzi txirrindulariren arteko esprintean, Tournon-sur-Rhonen
Maurizioko txirrindulariak irabazi du Frantziako Tourreko seigarren etapa, 153,4 kilometrokoa, Montbrison eta Tournon-sur-Rhone artean jokatu dena. Bestalde, sailkapen nagsuiko faboritoak indarrak gordetzen saiatu dira, ostiral honetan Mont Ventoux igotzeko.
Le Court-Pienaarrek garaipena lapurtu dio iheslari talde bati Tournon-sur-Rhonen, eta Reusserrek horiz jantzita jarraitzen du
Maurizioko txirrindularia beste zazpi txirrindulariri nagusitu zaie esprintean. Marlen Reusserrek lider jarraitzen du, Demi Volleringen erasoei eutsi ostean.
Motor batek Noemi Ruegg jo du Durbizeko igoeran, eta bizikletatik bota du
Txirrindulari suitzarra (EF) lurrera joan da, Frantziako Tourreko bosgarren etapako azkenaurreko mendatean gailurra egiteko metro gutxiren faltan, motor batek jo baitu. Zorionez, talka aldapa gora gertatu da, abiadura txikian, eta txirrindulariak lasterketan jarraitu ahal izan du arazo handirik gabe.