Vingegaard Giroan eta Tourrean lehiatuko da datorren denboraldian
Jonas Vingegaard txirrindulari danimarkarra entrenamendu batean. Argazkia: Europa Press
Jonas Vingegaard Visma-Lease a Bike taldeko liderrak itzuli handietan zentratuko du bere egutegia, eta, Frantziako Tourraz gain, Italiako Giroan debuta egingo du datorren denboraldian. Hala ere, helburu nagusia Frantziako Tourra izango da berriro.
"Giroa beti korritu nahi izan duela alde batera utzita, ziur gaude Tourrari begira mesede egingo diola", azaldu du Grischa Niermann taldeko kirol zuzendariak La Nucian (Alacant). Taldeak Italian irabazteko asmoa duen arren, "Tourra gure helburu nagusia da oraindik", gogorarazi du.
"Denbora daramat Giroa korritzeko asmotan. Egutegiko lasterketa garrantzitsuenetako bat da, eta inoiz egin ez dudan bat", azaldu du Vingegaardek.
Jonas Vingegaard
Nire bilduman maglia arrosa gehitzea gustatuko litzaidake
"Orain une ezin hobea dela sentitzen dut. Joan den udazkenean Vuelta irabazteak are gehiago motibatzen nau Italian ere garaipenaren bila joateko. Nire bilduman maglia arrosa gehitzea gustatuko litzaidake", gaineratu du.
Orain arte Vingegaardek bi garaipen eta hiru bigarren postu lortu ditu Frantziako Tourrean. "Hirugarren aldiz irabaztea sinestezina izango litzateke. Zaila izango da, baina agian aurreko bi edizioak baino zirraragarriagoa", adierazi du danimarkarrak ibilbideari erreferentzia eginez.
Txirrindulariak azpimarratu duenez, aurten Tourreko une erabakigarriak azken astean bilduko dira, eta horrek denbora aldeak murriztu ditzake. "Hala ere, hasieratik prest egon beharko dugu Bartzelonako taldekako erlojupekorako. Lan handia egin dugu diziplinan, eta lasterketa hasteko modu berezia izango da", erantsi duenez.
Zure interesekoa izan daiteke
Jaen Paraiso Interior Klasikoaren V. edizioa astelehenean, Tom Pidcock faborito nagusi dela
Lasterketaren zati handi bat Ubeda inguruko olibadiak zeharkatzen dituzten bideetan zehar igarotzen da, 169 kilometroko ibilbidea eginda. Klasikoa EITBn jarraitu ahal izango da, zuzenean, 15:30etatik aurrera.
2026ko Proventzako Tourra, ibilbideak eta taldeak
Lasterketak hiru etapa ditu eta guztia 559,5 kilometro egin beharko ditu tropelak.
Ane Santesteban Laboral Kutxa-Euskadiren talde teknikoko kide izango da
Euskal txirrindulariak etapa berri bati ekingo dio taldearen staff-aren barruan, enbaxadore, kirol-lotura eta talentu gazteen jarraipenaren arduradun gisa hartuko duen rol estrategikoarekin.
Txomin Juaristik lepauztaia hautsi du Valentziako Voltan izandako eroriko baten ondorioz
Txirrindulariari proba medikoak egin behar izan dizkiote Valentziako itzuliko lehen etapan izandako istripuaren ostean.
Arianna Fidanzak Pionera Race lasterketa irabazi du, eta Laboral Kutxa-Euskadik 9 garaipen daramatza 2026an
Txirrindulari italiarrak Laura Asencio (Ma Petite Entreprise) eta Oda Ane Gissinger (Hitec) menderatu ditu esprintean, eta ordena horretan helmugaratu dira, bigarren eta hirugarren bukatzeko. Horrenbestez, euskal taldeak 9 garaipen eskuratu ditu jada denboraldi honetan.
Caja Ruralek lehen aldiz korrituko du Frantziako Tourrean
Mugarri bat da talde nafarraren historian. Bestalde, Espainiako Vueltak Kern Pharmaren parte-hartzea baieztatu du, abuztuaren 22an hasiko den edizioan.
Caja Rural-Seguros RGAk 2026ko Auvernia-Rodano-Alpeetako Tourrean parte hartuko du
Dauphine Kriteriumen izen berria da. Lasterketa ekainaren 7tik 14ra bitartean jokatuko dute.
Van't Geloofek esprintean Laboral Kutxa-Euskadiri zortzigarren garaipena eman dio El Salvadorren
Herbehereetako txirrindulariak irabazi du Grand Prix Oriente lasterketa. Tropeleko azkarrena izan da 76 kilometroko ibilbidean, Usulutan hiriko helmugan.
Paula Patiño Laboral Kutxa-Euskadi taldeko txirrindulariak irabazi du Longitudinal del Norte Sari Nagusia
Horrela, euskal taldeak zazpigarren garaipena lortu du El Salvadorren egin duen bira arrakastatsuan. Kolonbiarrak El Salvadorreko Tourra irabazi zuen joan den astean.
Jay Vinek eskafoidea hautsita irabazi zuen Down Under Tourra
Australiar txirrindulariak erorikoa izan zuen igandean, lasterketako azkenengo etapan, kanguro bat pelotoian bat-batean sartu zenean. Astearte honetan egin diote ebakuntza Vineri.