Adam Yates gailendu da Cabeza de Meda mendatean, eta lidertza bereganatu du O Gran Camiñon
UAE taldeko liderra bakarka helmugaratu da Cabeza de Medan, amaieratik 3,5 kilometrora erasoa jo eta bere aurkari guztiak atzean utzita.
Adam Yates maillot horiarekin.
Adam Yates britainiarrak nagusitasun handiarekin irabazi du O Gran Camiñoko etapa nagusia, eta liderraren maillota jantzi du Galiziako lasterketan.
UAE taldeko txirrindulariak erakutsi du txirrindularirik indartsuena dela, bakarka igaro baitu Cabeza de Medako mendatean jarritako helmuga.
Bost kilometroko mendatearen hasierara talde txiki batean iritsi da Yates. Aurretik Bennett eta Schiffer saiatu dira ihesaldiari eusten, baina alperrik izan zaie. Laster harrapatu dituzte biak.
Faboritoen taldetik, Alessandro Pinarello eta Jesus Herrada ahalegindu dira aurrera jotzen, baina Yatesek berehala erantzun die.
UAEko liderrak handik gutxira, helmugarako 3,5 kilometroren faltan, jo du eraso erabakigarria. Jorgen Nordhagen norvegiarra eta Alessandro Pinarello saiatu dira haren gurpila jarraitzen, baina amore eman behar izan dute.
Indar erakustaldia emanda gailendu da Yates Cabeza de Medako mendatean, eta O Gran Camiñoko lidertza eskuratu du, Pinarelloren kaltetan.
Bihar jokatuko da Galiziako lasterketako bosgarren eta azken etapa, As Neves eta Monte Trega artea (154,7 km).
Zure interesekoa izan daiteke
Pogacarrek Romandiako Tourra irabazi du, azken etapa ere garaituta
Txirrindulari esloveniarrak (UAE) denboraldi hasiera bikaina berretsi du Romandiako Tourrean nagusituta, beste etapa garaipen batekin.
Sebastian Berwick Caja Rural taldeko txirrindulariak irabazi du Turkiako Itzulia
Kern Pharma taldeko Ivan Ramiro Sosa izan da bigarren, eta Mikel Bizkarra eta Ibon Ruiz euskal txirrindulariek hamar onenen artean bukatu dute Turkiako Itzulia.
Pogacarrek erabakita utzi du Romandiako Tourra, etapa nagusian erakustaldia emanda
Esloveniarrak hirugarren garaipena lortu du aurtengo edizioan, Charmeyko helmugara ihes eginda iritsita, eta sailkapen nagusia erabakita utzi du azken etaparen faltan.
Pello Bilbao laugarren izan da, eta Ion Izagirre seigarren, Zimmermannek irabazitako Eschborn-Frankfurt lasterketan
Bigarren eta hirugarren Pidcock eta Tulett britainiarrentzat izan dira, hurrenez hurren.
Pogacarrek bere bigarren garaipena erdietsi du Romandiako Itzulian, bigarren etapa ere esprintean irabazi ostean
Soderqvist, Conca, Thalmann eta Renard-Haquin izan dira eguneko ihesaldiaren protagonistak, baina tropelak helmugarako lau kilometroren faltan harrapatu ditu. Azken metroetan, Esloveniako txapeldunak bere garaipen gose aseezina erakutsi eta berriro irabazi du.
Pogacarrek irabazi du lehen etapa Martignyn, eta liderraren elastikoa jantzi du
Pogacarrek erasoa jo du Ovronnaz lehen mailako mendatean. Helmugara hiru txirrindularirekin batera iritsi da, Lipowitz, Martinez eta Nordhagenekin, eta azkarrena izan da esprintean.
Dorian Godon frantziarrak irabazi du atariko etapa, eta lehen liderra da
Ineos Grenadier taldeko txirrindulari frantziarrak hiru kilometro pasatxoko ibilbidean 6 segundo sartu dizkie Ivo Oliveira portugaldarrari (UAE) eta Jakob Soderqvist suediarrari (Lidl-Trek), bigarren eta hirugarren, hurrenez hurren.
Pogacarrek, Seixas mendean hartuta, laugarren Lieja-Bastogne-Lieja irabazi du; Volleringek hirugarrena eskuratu du
Esloveniarra nagusitu da berriro Lieja-Bastogne-Lieja lasterketan, Paul Seixas frantziarrarekin lehia estua izan ondoren. Volleringek, berriz, Redoute mendatean jo du erasoa, eta bakarrik helmugaratu da, baja garrantzitsuak izan dituen edizio batean.
Huyko harresirako igoera Flèche Wallonneko azken kilometroan; Paul Seixas gailendu da
Decathlon taldeko frantziar gazteak lasterketako igoera erabakigarrian egin du erasoa, eta aurkari guztiak atzean utzi ditu. Ion Izagirre bikain aritu da, eta zazpigarren postua eskuratu du.
?fmt=webp-alpha&qlt=80)
Paul Seixas eta Demi Vollering Huyko harresian nagusitu dira, eta bereganatu egin dute Flèche Wallonne
Gizonezkoen proban, Seixasek izan du aginte makila azken igoeran, gailurretik 200 metrora erasoa jo, eta helmugan besoak altxatu ditu. Emakumezkoen lasterketan, Volleringek bigarren aldiz jaso ditu besoak Huyn. Volleringen garaipena eztabaidaezina izan da, indartsuena izan baita Huyko Harresiaren igoeran.