Louis Sutton ingelesa, Euskaltel-Euskadiren fitxaketa berria
Euskaltel-Euskadik Louis Sutton txirrindulari ingelesaren fitxaketaren berri eman du hurrengo bi denboraldietarako. Frantziako Aix-en-Provence taldetik dator txirrindularia eta denboraldi honetako Bidasoako Itzuliaren irabazlea da.
Suttonek 22 urte ditu eta Ander Ganzabalen atzetik bigarrena da talde laranjan sartzen. 2025erako konfirmatutako hamargarren txirrindularia da, eta Jon Aberasturi, Nicolas Alustiza, Mikel Bizkarra, Iker Bonillo, Victor de la Parte, Xabier Isasa, Iker Mintegi eta Unai Zubeldiaren kontratuek indarrean jarraituko dute. Bidasoako Itzulia irabazteaz gain, britainiarrak bigarren postua lortu zuen Txekiar Errepublikako Bakearen Lasterketako etapa batean, eta hirugarren bat Etorkizuneko Tourreko etapa batean, "non, gainera, funtsezkoa izan zen Joseph Blackmore bere selekzioko kidearen azken garaipenean", nabarmendu du Euskaltel-Euskadik.
Britainia Handiko Tourrean, joan den irailean, Sutton seigarren zihoan amaieratik bi etapara, baina eroriko baten ondorioz lasterketa utzi behar izan zuen.
"Euskaltel-Euskadiren parte izatea oso garrantzitsua da niretzat. Asko korritu dut Euskal Herrian eta asko gustatu zaizkit egin ditudan lasterketa guztiak. Gainera, maila gorenean lehiatzeko aukera ematen dit eta nire garapena bizkortuko du errendimendu onena izateko eta lasterketak irabazten saiatzeko. Oraindik txirrindulari gisa definitu behar dut neure burua. Errendimendu ona izan dut igoerak dituzten ibilbideetan, eta erasoaldiak egitea gustatzen zait".
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.