Roglic nagusitu da Samoenseko gailurrean, eta Lazkanok laugarren postuan bukatu du
Primoz Roglic (Bora) esloveniarrak Dauphine Kriteriuma bigarrenez bereganatzeko garaipen erabakigarria lortu du aurtengo ekitaldiko zazpigarren etapan, Albertville eta Samoëns 1600 artean jokatu den 155,3 kilometroko mendiko etapa nagusian.
Espainiako Vueltako hiru aldiz irabazi duen Roglicek (Trbovlje, 34 urte) helmugatik gertu jo du erasoa, eta horrek etapa irabaztea eta 10 segundoko gainsaria ekarri dizkio.
Haren ostean, Matteo Jorgenson (Visma) estatubatuarra iritsi da, esloveniarraren denbora berean. Bi segundo geroago sartu dira Ciccone italiarra (Lidl-Trek), igoera aparta egin duen Oier Lazkano gasteiztarra (Movistar), amaiera aldera erasoaldi bat egitera ere ausartu dena, eta Gee (Israel) kanadarra. Mikel Landa (Soudal) murgiarra, bere aldetik, 10. tokian sailkatu da, 33 segundora, Remco Evenepoel taldeburuaren aurretik; izan ere, belgikarrak 1:46 galdu du Roglicekiko.
Sailkapen nagusiari dagokionez, Roglicek 1:02ra du Jorgenson, eta 1:13ra Gee. Oier Lazkano zortzigarren tokian ageri da, 2:20ra; Mikel Landa, berriz, hamargarrena dago sailkapenean, 3:51ra.
Igande honetan, zortzigarren eta azken etapa jokatuko da Thônes eta Plateau des Glières artean (160,6 kilometro). Etapa lehen mailako mendate batean amaituko da, eta ibilbidean zehar lehen mailako beste bi mendate eta hirugarren mailako bat igo beharko dituzte txirrindulariek.
Etapako sailkapena
1 - ROGLIC Primoz (BORA) 4:29:16
2 - JORGENSON Matteo (Visma) d. b.
3 - CICCONE Giulio (Lidl) + 0:02
4 - LAZKANO Oier (Movistar) m. t.
5 - GEE Derek (Israel) d. b.
6 - RODRIGUEZ Carlos (INEOS) + 0:08
7- BUITRAGO Santiago (Bahrain) + 0:14
8 - DE PLUS Laurens (INEOS) d. b.
9 - VLASOV Aleksandr (BORA) d. b.
10 - LANDA Mikel (Soudal) + 0:33
Sailkapen nagusia
1 - ROGLIC Primoz (BORA) 21:16:50
2 - JORGENSON Matteo (Visma) + 1:02
3 - GEE Derek (Israel) + 1:13
4 - VLASOV Aleksandr (BORA) + 1:56
5 - RODRIGUEZ Carlos (INEOS) + 1:58
6 - EVENEPOEL Remco (Soudal) + 2:15
7 - DE PLUS Laurens (INEOS) + 2:17
8 - LAZKANO Oier (Movistar) + 2:20
9 - CICCONE Giulio (Lidl) + 2:54
10 - LANDA Mikel (Soudal) + 3:51
Zure interesekoa izan daiteke
Ineosek irabazi du taldekako erlojupekoa, baina Lidl Trekeko Juan Ayuso jarri da lider
Taldekako erlojupeko zirraragarri baten ostean banatu da harrapakina, eta valentziarrak hartu du lidertza sailkapen nagusian, Jonas Vingegaard bezalako aurkari zuzenak segundo gutxi batzuk urrunduta.
Horrela helmugaratu dira Paris-Nizako taldekako erlojupeko lehenengo hiru taldeak
INEOS Grenadiersek irabazi du Paris-Nizako taldekako erlojupekoa. Hirugarren etapa honetan, Lidl-Trek taldea geratu da bigarren eta Decathlon hirugarren. Sailkapen nagusian Juan Ayuso da garaile.
Van der Poelek irabazi du esprinta, baina Del Toro da lider berria Tirreno-Adriatico lasterketan
San Gimignano mendateko amaierak bukaera zirraragarria eskaini du itsasoen arteko bigarren etapan. Txirrindulari holandarrak mexikarra eta Giulio Pellizzari italiarra gainditu ditu helmugan.
2026ko Emakumezkoen Vuelta Anglirun amaituko da, zazpi etapa eta ibilbide gogor baten ostean
Emakumezkoen Espainiako Vueltak bere laugarren edizioa aurkeztu du. Galizia, Leon eta Asturias zeharkatuko ditu, podiuma goi-mendiko bi amaieretan erabaki aurretik.
Max Kanterrek irabazi du esprinta Montargisen, eta Lampertik elastiko horiari eutsi dio
Esprint desordenatu eta estu batean, Astanako alemaniarrak urrutitik ekin dio helmugako zuzengunean eta lasterketaren buruari eutsi dio, etapa irabazle gisa besoak altxatu arte.
2026ko Paris-Nizako bigarren etapako azken kilometroa
XDS Astana Team taldeko Max Kanter alemaniarrak irabazi du Paris-Niza lasterketako bigarren etapa. UCI World Tourreko lasterketa batean lortzen duen lehen garaipena da. Laurence Pithie (Red Bull – BOra) izan da bigarren eta Jasper Stuyven (Soudal Quick-Step), hirugarren.
Gannak bere legea ezarri eta Tirreno-Adriatico lasterketako erlojupekoa irabazi du berriro
Italiarra da Lido Di Camaioren hasi eta bukatzen den 11,5 kilometroko ibilbidearen erregea, Tirreniar eta Adriatiko itsasoen arteko lasterketaren hasierako lau erlojupeko (2022, 2023, 2025 eta 2026) irabazi baititu.
Luke Lampertik irabazi du 2026ko Paris Nizako lehen etapa
Lampertik (EF Education EasyPost) esprintean eskuratu du garaipena, eta Vito Braek (Lotto-Intermarche) eta Orluis Aularrek (Movistar Team) txirrindulariek osatu dute podiuma.
Pogacarrek marka ondu du Strade Bianchen, eta Chabbey nagusitu da emakumezkoetan
Tadej Pogacar dugu proba hori lau aldiz irabazi duen lehen gizonezkoa; Elise Chabbeyk, bere aldetik, garaipen ikusgarria lortu du emakumezkoetan.
Cata Soto, Txileko erlojupeko txapelduna
Laborak Kutxako txirrindulariak erlojupeko hirugarren urrea poltsikoratu du Txileko Txapelketan (2022, 2025 eta 2026), eta urteko hirugarren garaipena lortu du, otsailean El Salvadorko Tourrean bi lasterketa irabazi ondoren.