Pello Bilbaok 2026ra arte luzatu du kontratua Bahrain taldearekin
Pello Bilbao txirrindulari gernikarrak 2026ra arte luzatu du Bahrainekin duen kontratua, taldeak asteazken honetan iragarri duenez. Atzo, Issoiren, Frantziako Tourraren 10. etapa irabazi ostean eman du zuzendaritzak erabakiaren berri. Bere ibilbideko garaipenik garrantzitsuena izan da Bilbaorentzat, Auvernian, Puyko sumendien artean dauden erdi mailako mendateetan egindako etapan erdietsitakoa. Ihesaldi luzea egin eta gero, lehena helmugaratu zen txirrindulari euskalduna.
2011z gero dabil profesional mailan Pello Bilbao. Bahrain taldeak ohar batean azaldu duenez, 33 urteko kirolariak "esperientzia eta garaipen esanguratsuak eskaini ditu Italiako Giroan eta Frantziako Tourrean, oro har, emaitza onak dituen aldi berean: Giroan bosgarren egin du bitan, eta 2021eko Tourrean bederatzigarren sailkatu zen".
Pello Bilbaok, bere aldetik, honako hau adierazi du: "Oso pozik nago Bahrain taldearekin kontratua luzatu dudalako. Azken urteotan, familia horretako kide sentitu naiz. Taldekide eta teknikari guztien babesa sentitzen dudan lekuan nago, eta taldearen etorkizuneko arrakastaren parte izatea espero dut".
Milan Erzen zuzendari nagusia ere pozik agertu da erabakiagatik. "Taldearentzat korrikalari aparta" bilakatu dela nabarmendu du, "buru-belarri aritzeaz gain, lan bikaina egin duelako". Horrez gain, gaineratu duenaren arabera, "Pelloren esperientzia eta lidergo-gaitasuna gure lorpenen alde garrantzitsuak izan dira, eta datozen urteetan ere hazten jarrai dezala espero dugu. Harro gaude gure familian izateaz".
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.